އާ އަހަރު ފާހަގަކުރުމަށް 43 ރިސޯޓެއްގައި ހަވާ އަރުވާ ގޮތަށް ހަމަޖައްސައިފި އެވެ.
އެމްއެންޑީއެފްގެ އިސް ތަރުޖަމާން މޭޖާ އިބްރާހިމް އާޒިމް ވިދާޅުވީ އާހަރު ފާހަގަ ކުރުމަށް ހަވާއެރުވުމުގެ އިންތިޒާމް ސިފައިންގެ ކޯޕަރޭޓީވް "ސިފްކޯ" އިން ވިޔަފާރި އުސޫލުން ކުރިއަށް ގެންދަން ނިންމާފައިވާ ކަމަށވެ.
އާޒިމް ވިދާޅުވީ ކުރީ އަހަރުތަކެކޭ އެއްގޮތަށް މި އަހަރުވެސް ހަވާއަރުވަން ބޭނުންވާ ރިސޯޓުތަކަށް އެ ފުރުސަތު ހުޅުވާލި ކަމަަށެވެ. އެގޮތުން މިއަހަރު 43 ރިސޯޓެއްގައި ހަވާއަރުވަން ވަނީ ހަމަޖެހިފައެވެ. ހުރިހާ ރިސޯޓެއްގައިވެސް ހަވާއެރުވުމުގައި ހަރަކާތްތެރިވާނީ ސިފައިންނެވެ. އަދި ހަވާ އަރުވާދޭ ރިސޯޓްތަކުގައި ހަމަޖައްސަން ޖެހޭ އެންމެހާ އިންތިޒާމުތައް ނިމިފައިވާ ކަމަށްވެސް އާޒިމް ވިދާޅުވިއެވެ.