މޯލްޑިވިއަން ގޭމިން ލީގް (އެމްވީޖީއެލް) ގެ ކޯލްއޮފް ޑިއުޓީ ގޭމުގެ ނޮކައުޓް ސްޓޭޖަށް ދަތުރު ކުރި ހަތަރު ޓީމު ފައިނަލު ކޮށްފި އެވެ.
އީސްޕޯޓްސްއަށް ހާއްސަ ކޮށްފައިވާ ގޭމް ލީގްގެ ފުރަތަމަ ސީޒަންގެ ތިންވަނަ ހަފުތާގެ ގޭމް ކޮމްޕެޓީޝަން ހާއްސަ ކުރީ ކޯލް އޮފް ޑިއުޓީ އަށެވެ. އެ ކޮމްޕޓީޝަންގައި ހަ ޓީމު ބައިވެރިވި އެވެ. އެއީ 30 ޕްލޭއާސް އެވެ.
ކޯލް އޮފް ޑިއުޓީގެ ނޮކައުޓް ސްޓޭޖް މެޗުތައް އޮންނާނީ މާދަމާ އެވެ. ގުރޫޕް ސްޓޭޖުން އެންމެ ގިނަ ޕޮއިންޓް ހޯދީ "ޖާނުން ފިދާ" އެވެ. އެ ޓީމުން ވަނީ 12 ޕޮއިންޓް ސްކޯ ކޮށްފަ އެވެ. ދެ ވަނަ އަދި ތިން ވަނައަށް ދިޔަ އާރްފޯއާރް އިންޓް ޗީޒީ އާއި ޓީމު ވަން ޝޮޓަށް ޕޮއިންޓް ލިބިފައި ވަނީ އެއްވަރަކަށެވެ. އެއީ ހަ ޕޮއިންޓެވެ. ހަތަރު ވަނަ އަށް ދިޔައީ ތިން ޕޮއިންޓް ސްކޯ ކުރި ޓީސީ ފްރެޓާނިޓީ އެވެ.
ކޯލް އޮފް ޑިއުޓީގައ ކޮންމެ މެޗެއް ނުވަތަ ކޮންމެ ގޭމެއްގައި ތަފާތު ތިން މޯޑެއްގައި ކުޅޭނެ އެވެ. ކޮންމެ މޯޑެއްގައި ތިން ބުރު ކުޅޭނެ އެވެ.