ބާންލީގެ މައްޗަށް 2-0 ގެ ނަތީޖާ އަކުން މޮޅުވެ މެންޗެސްޓާ ސިޓީން ތާވަލުގެ އެއް ވަނައިގައި ލީޑް ފުޅާ ކޮށްފި އެވެ.
ބްރައިޓޮން ހޯވް އެލްބިއޯން އާ ދެކޮޅަށް އަމިއްލަ ދަނޑުގައި ކުޅުނު މެޗުން ލިވަޕޫލް ބަލިވީ 1-0 ންނެވެ.
ޕެޕް ގާޑިއޯލާގެ ޓީމުން އެއް ވަނައިގައި އޮތީ، އެއް މެޗު މަދުން ކުޅެގެންނެވެ. ބާންލީ އާ ދެކޮޅަށް ސިޓީ ކުޅުނު މެޗަށް އެ ޓީމުން ނުކުތީ ކުލަބަށް އެންމެ ގިނަ ލަނޑު ޖަހައިދިން ސާޖިއޯ ކުން އަގުއޭރޯ އާއި ޕްލޭ މޭކާ ކެވިން ޑިބްރައިނާ ނުލަ އެވެ. މެޗުގައި ސިޓީގެ ލަނޑުތައް ކާމިޔާބު ކުރީ، ގެބްރިއަލް ޖެސޫސް އާއި ރަހީމް ސްޓާލިން އެވެ.
އަންނަ އާދިއްތަ ދުވަހު ސިޓީ ނުކުންނާނީ މިހާރުގެ ޗެމްޕިއަން ލިވަޕޫލާ ދެކޮޅަށެވެ. މާސީސައިޑްގައި ކުޅޭ މެޗަކީ ކުރިން ފާއިތުވެ ދިޔަ ދެ ސީޒަނަށް ބަލާއިރު ލީގް ތަށި ހޯދުމުގެ ރޭހުގައި ސިޓީއަށް ކުރިއަށް އެޅޭ ބޮޑު ފިޔަވަޅެކެވެ.
ރޭ އެންފީލްޑްގައި ކުޅުނު މެޗުގައި ބާންލީގެ ލަނޑު ކާމިޔާބު ކުރީ ކުރީ ސްޓީވް އަލްޒަޓެވެ. އެ މެޗަކީ، ލިވަޕޫލް އެންފީލްޑްގައި ބަލިވި ޖެހިޖެހިގެން ދެ ވަނަ މެޗެވެ. ބްރައިޓޮންގެ ގޭމް ޕްލޭން އެ ޓީމުން ވަނީ ތަންފީޒު ކޮށްފަ އެވެ. އެ މޮޅަކީ 39 އަހަރު ތެރޭ ލިވަޕޫލްގެ މައްޗަށް ބްރައިޓޮން ހޯދި ފުރަތަމަ މޮޅެވެ. މީގެ ކުރިން އެ ޓީމުން ލިވަޕޫލު ބަލި ކުރީ 1982 ގަ އެވެ.