މި އަދަކީ މި އަހަރު އެންމެ ގިނަ ޓޫރިސްޓުން އައި ދުވަސް

މި އަހަރު ފެށުމުގެ ފަހުން މިއަދަކީ އެންމެ ގިނަ ޓޫރިސްޓުން އައި ދުވަސް ދުވަހެވެ. މިއަދު ރާއްޖެ އަށް 4،700 ޓޫރިސްޓުން ވަނީ ޒިޔާރަތް ކޮށްފަ އެވެ.

ޓޫރިޒަމް މިނިސްޓަރު އަބްދުﷲ މައުސޫމް ވަނީ މިއަދު 4،700 ޓޫރިސްޓުން އައުމާއެކު އެކަން ފާހަގަކޮށް ޓުވީޓެއް ކުރައްވާފަ އެވެ.

ޓޫރިޒަމް މިނިސްޓަރު ޑރ. މައުސޫމް ވިދާޅުވީ ކުރިއަށް އޮތްތަނުގައިވެސް އަންނަ ޓޫރިސްޓުންގެ އަދަދު އިތުރުވާނެ ކަމަށް އުންމީދު ކުރެވޭ ކަމަށެވެ. އަދި ރާއްޖޭގެ ރައްޔިތުންނާއި ޓޫރިޒަމް ސިނާއަތުގައި މަސައްކަތް ކުރާ ފަރާތްތަކަށް ވެކްސިން ޖަހަމުން ގެންދާތީ މިއީ ޓޫރިޒަމަށް ލިބިގެންދާނެ އިތުރު ކުރިއެރުމެއް ކަމަށެވެ.

ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުން މި އަހަރުގެ ޖެނުއަރީ އެއްވަނަ ދުވަހުން ފެށިގެން މިހާތަނަށް އައިސްފައިވަނީ ޖުމްލަ 121،694 ޓޫރިސްޓުންނެވެ. މިހާތަނަށް އެންމެ ގިނައިން ޓޫރިސްޓުން އައިސްފައިވަނީ ރަޝިއާއިންނެވެ. އެ ގައުމުން 27،041 މީހުން އައިސްފައިވެ އެވެ.

ރާއްޖޭގައި ކޮވިޑް-19 ގެ ބަލި ފެތުރެން ފެށުމާއެކު ބޯޑަރު ބަންދުކޮށްފައިވަނީ މާޗް 15 ގަ އެވެ. އަދި ޖުލައި 15 ގައި އަލުން ހުޅުވުމާއެކު މިދިޔަ އަހަރު 555،000 އަށްވުރެ ގިނަ ޓޫރިސްޓުން ޒިޔާރަތް ކުރި އެވެ.