ކެމަރޫނުގެ ގައުމީ ފުޓްބޯޅަ ޓީމުގެ ކޯޗު ވޮލްކާ ފިންކޭ މަގާމުން ވަކިކޮށްފި އެވެ.
ކެމަރޫނުގެ ފުޓްބޯޅަ ފެޑަރޭޝަނުން އިއްޔެ މި ނިންމުމުން ނިންމާފައިވަނީ ވޯލްޑް ކަޕް ކޮލިފައިން އާއި މި އަހަރު ބޭއްވި އެފްރިކާ ކަޕުގައި ކެމަރޫން ނެރުނު ދަށް ނަތީޖާތަކުގެ ސަބަބުންނެވެ.
އުމުރުން 67 އަހަރުގެ ޖަރުމަނު ކޯޗު ފިންކޭ ވަނީ އޭނާގެ ރަސްމީ ޓުވިޓާ މެދުވެރިކޮށް މިކަން ޔަގީންކޮށްދީފަ އެވެ. އަދި އޭނާ ބުނެފައިވަނީ ވަގުތީ ގޮތުން ޓިމާ ހަވާލުވީ އެސިސްޓެންޓް ކޯޗު އެލެގްޒެންޑާ ބެލިންގާ ކަމަށެވެ.
ވޯލްޑް ކަޕް ކޮލިފައިންގައި މި މަހުގެ 13 އަދި 17 ވަނަ ދުވަހު ކުޅޭ މެޗުތަކުގައި ޓީމަށް ކޯޗުކޮށްދޭނީ ވެސް ބެލިންގާ ކަމަށް ވަނީ ބެލެވިފަ އެވެ.
އެފްރިކާގެ ފުޓްބޯޅައިގައި ކުރިން ގަދަ ބާރެއްގެ ގޮތުގައި އޮތް ނަމަވެސް ފާއިތުވެދިޔަ ފަސް އަހަރު ކެމަރޫންގެ ނަތީޖާތައް ވަނީ ވަރަށް ބޮޑަށް ދަށްވެފަ އެވެ. މި ގޮތުން އެންމެ ފަހުގެ ވޯލްޑް ކަޕުގައި ކުޅެ ގްރޫޕް ސްޓޭޖުގެ ތިން މެޗުން ވެސް ވަނީ ބަލިވެފަ އެވެ. މީގެ އިތުރުން ކުޅުންތެރިންގެ އަހުލާގީ މައްސަލަތައް ގިނަވެ، އެފްރިކަން ނޭޝަން ކަޕުން ވެސް ކެޓީ ފުރަތަމަ ބުރުންނެވެ.
ކެމަރޫނުގެ ގައުމީ ފުޓްބޯޅަ ޓީމުގެ ކޯޗު ވޮލްކާ ފިންކޭ: ވަގުތީ ގޮތުން ޓިމާ ހަވާލުވީ އެސިސްޓެންޓް ކޯޗު އެލެގްޒެންޑާ ބެލިންގާ