މިއީ ޓްވިޓާއަށް މުޅިން އާފީޗާއެކެވެ. ޓްވީޓްތައް "އަންޑޫ" ކުރެވުމަކީ ޓްވީޓާ ބޭނުން ކުރާ މީހުން ވަރަށް އުފާވާނެ ފީޗާއެއް ކަމަށް ބެލެވެ އެވެ. ޓްވީޓާއިން މިފަހަކަށް އައިސް އާ ފީޗާތައް ޓެސްޓް ކުރަމުން އަންނަކަން ވަނީ އެނގިފަ އެވެ. ޓްވީޓް އަންޑޫ ކުރުމަކީ ވެސް މިފަދަ ފީޗާއެކެވެ.
ޓްވީޓް އަންޑޫ ކުރުމަކީ ޓްވީޓެއް ފޮނުވާލުމަށް ފަހު އެއިން ކުށެއް ފެނިގެން ރަނގަޅު ކުރަން ލިބޭ ފުރުސަތެކެވެ. ޓްވީޓް "ސެންޑް" ކުރުމާއެކު، ޓްވީޓާގައި ޓްވީޓް ޕޯސްޓް ކުރެވުމުގެ ކުރިން ލިބޭ މަދު ސިކުންތުކޮޅެެކެވެ. އެ ވަގުތުކޮޅުގެ ތެރޭގައި ޓްވީޓް އަންޑޫ ކުރުމުން ރަނގަޅު ކުރަން ފުރުސަތު ލިބެ އެވެ. ނޫންނަމަ ޓްވީޓްއާ މެދު އެހެން ގޮތެއް އިޚްތިޔާރުކުރަން ފުރުސަތު ލިބެ އެވެ.
މެސްޖް އަންޑޫކުރުމަކީ ގަދީމީ ޒަމާނުއްސުރެ ބައެއް މެސެޖިން / އެސްއެމްއެސް އެޕްލިކޭޝަންތަކުން ވެސް ފެންނަ ފީޗާއެކެވެ. މި ފަހަކަށް އައިސް ޓެލެގްރާމް ކަހަލަ އެޕްލިކޭޝަންތަކުން ކޮންޓެކްޓެއް ފޮހެލަން ފިތާލުމުން ވެސް ޓައިމަރެއްޖެހެ އެވެ. އަދި އަންޑޫ ކުރަން ފުރުސަތުދެ އެވެ.
ޓްވީޓާ އަކީ ވަރަށް ގިނަ މީހުން ބޭނުންކުރާ އެޕްލިކޭޝަނެކެވެ. ވަރަށް ބޭނުންތެރި އެޕްލިކޭޝަނެކެވެ. ޓްވީޓް އަންޑޫކުރުން ކަހަލަ ފީޗާއެއް ޓްވީޓާއަށް ތައާފުރުކުރުމަކީ އޮބިނޯންނަ ވަރުގެ ބޮޑު ފަސޭހައަކަށް ވާނެ އެވެ.
ޓްވީޓާ ބޭނުންކުރާ މީހުންނަށް ޓްވީޓް އެޑިޓްކުރެވޭ ފީޗާއެއްގެ ބަދަލުގައި ވެސް އަންޑޫ ފިޗާ ބޭނުން ކުރެވޭނެ އެވެ. އެކަމަކު ވަރަށް ހުޝިޔާރުވެ ހުރެއްޖެ ނަމަ އެވެ. ބައެއް މެސެޖިން އެޕްލިކޭޝަންތަކުން މެސެޖް ފޮނުވުމަށް ފަހު ވެސް އެޑިޓްކުރަން ފުރުސަތުދެ އެެވެ.
ޓްވީޓް އަންޑޫ އާންމު ފީޗާއެއް ގޮތުގައި ޓްވީޓާ ބޭނުންކުރާ މީހުންނާ ހަމައަށް އަންނާނެ ތާރީޚެއް އަދި ނޭގެ އެވެ. އެކަމަކު މިއީ ތައްޔާރުކޮށް ޓެސްޓްކުރެވެމުން އަންނަ ފީޗާއެއް ކަމަށް ޚަބަރުތަކުން އެނގެ އެވެ.