ސަލާމަތީ ދާއިރާއިން ގުޅުން ބަދަހިކުރުމާ ގުޅޭގޮތުން އޮސްޓްރޭލިއާ ސަރުކާރާ އެކު މަޝްވަރާކޮށްފި އެވެ.
މިމަޝްވަރާތައް މިއަދު ކުރިއަށް ގެންދިޔައީ ދިވެހި ސިފައިންގެ މައި މަރުކަޒު، ބަންޑާރަކޮށީގަ އެވެ.
މިމަޝްވަރާތަކުގައި އެމްއެންޑީއެފްގެ ފަރާތުން އިސް ބޭފުޅެއްގެ ގޮތުގައި ބައިވެރިވެވަޑައިގެންނެވީ ޗީފް އޮފް ޑިފެންސް ފޯސް މޭޖާ ޖެނަރަލް އަބްދުﷲ ޝަމާލް އެވެ.
އޮސްޓްރޭލިއާ ސަރުކާރުގެ ފަރާތުން މިބައްދަލުވުމުގައި އިސް ބޭފުޅެއްގެ ގޮތުގައި ބައިވެރިވެވަޑައިގެންނެވީ އެ ގައުމުން ދިވެހިރާއްޖެއަށް ކަނޑައަޅާފައި ހުންނަވާ ސަފީރު ޑޭވިޑް ހޮލީ އެވެ.
އެމްއެންޑީއެފް އިން ބުނީ ދެ ގައުމުގެ ދެމެދުގައި ދިފާއީ އަދި ސަލާމަތީ ގުޅުންތައް އިތުރަށް ވަރުގަދަކުރުމަށާއި ދެ ގައުމު ގުޅިގެން ކުރިއަށް އޮތް ދުވަސްތަކުގައި ކުރެވިދާނެ ކަންކަމާ ގުޅޭގޮތުން މިއަދުގެ ބައްދަލުވުމުގައި މުހިއްމު މަޝްވަރާތަކެއް ކޮށްފައިވާ ކަމަށެވެ.
ދިވެހިރާއްޖެ އާއި އޮސްޓްރޭލިއާ އާއި ދެމެދު ސިޔާސީ ގުޅުން ގާއިމުކުރިތާ މިއަހަރު 47 އަހަރު ފުރޭނެ އެވެ.