އުރީދޫން މާދަމާއިން ފެށިގެން އިތުރު ޑޭޓާ

މިހާލަތުގައި ގޭގައި ތިބެން ބާރު އެޅުމުގެ ގޮތުން އުރީދޫ ކަސްޓަރުންނަށް މާދަމައިން ފެށިގެން ހިލޭ ޑޭޓާ ލިބޭނެ ކަމަށް ބުނެފި އެވެ.

އުރީދޫން ވަނީ މާދަމައިން ފެށިގެން އުރީދޫ ޕޯސްޓްޕެއިޑާއި ޕްރިޕެއިޑް އަދި ބްރޯޑްބޭންޑް ކަސްޓަމަރުންނަށް ލިބޭ މި ހާއްސަ އޮފާ ތަކާއިއެކު، ގޭގައި ތިބެގެން އާއިލާ އާއި ރައްޓެހިންނާއި ގުޅުން ބަދަހިކޮށް، އެހެނިހެން ޑިޖިޓަލް ހިދުމަތްތައް ވެސް ބޭނުންކުރުމުގައި ލުޔެއް ލިބިގެންދާނެ އެވެ.

އުރީދޫ މޯލްޑިވްސް އިން މި ހާއްސަ އޮފާތައް އަލުން ފޯރުކޮށްދިނުމަށް ނިންމާފައިވަނީ މި ދަނޑިވަޅުގައި ކަސްޓަމަރުންނަށް މެދުކެނޑުމެއްނެތް ފެންވަރު ރަނގަޅު އިންޓަނެޓްގެ ހިދުމަތެއް ލިބުމަކީ މުހިންމުކަމެއްކަމުގައި ދެކިގެންނެވެ.

އުރީދޫ މޯލްޑިވްސްގެ ޗީފް ކޮމާޝަލް އޮފިސަރު ހުސެއިން ނިޔާޒް ވިދާޅުވީ ކޮވިޑްގެ ޕެންޑެމިކް ފެށުނީއްސުރެ އަޅުގަނޑުމެންގެ ކަސްޓަމަރުންނަށާއި މުޖުތަމައުއަށް އަދި އެ ކުންފުނީގެ ޓީމަށް ވެސް އުރީދޫ އިން ދަނީ އެކި ގޮތްގޮތުން އެހީ ފޯރުކޮށްދެމުންދާ ކަމަށެވެ. އެގޮތުން އަލަށް މި ލޯންޗު ކުރެވުނު ހާއްސަ އޮފާތަކާއެކު ލުޔެއް ލިބިގެންދާނެ ކަމަށެވެ.

އުރީދޫންދޭ ހާއްސަ އޮފާތައް

އުރީދޫން މާދައިން ފެށިގެން އިތުުރު ޑޭޓާ ދޭއިރު އެ ކުންފުނިން އިއްޔެ ވަނީ ސްކޫލް ކުދިންނަށް ހާއްސަ ޕެކޭޖުތަކެއް ވެސް ތައާރަފުކޮށްފަ އެވެ.