އަޒީމާ އާދަމް

ގަވަރުނަރު ހާޒިރުކުރި ކޮމެޓީ ސިއްރުކޮށްފި

Nov 15, 2015
އެމްއެމްއޭގެ ގަވަރުނަރު ޑރ. އަޒީމާ އާދަމް
0%
0%
0%

އަންނަ އަހަރަށް ލާފާކޮށްފައިވާ ދައުލަތުގެ ބަޖެޓަށް މަރުކަޒީ ބޭންކުގެ ގަވަރުނަރު ޑރ. އަޒީމާ އާދަމްގެ ޕްރޮފެޝަނަލް އޮޕީނިއަން ހޯދަން ބަޖެޓް ކޮމެޓީއަށް އެކަމަނާ ހާޒިރު ކުރި ބައްދަލުވުން ސިއްރުކޮށްފި އެވެ.

މިއަދު 2:15 ގައި ފެށި ބައްދަލުވުން ސިއްރު ކުރީ ގައުމީ ސަލާމަތަށްޓަކައި ބައްދަލުވުން ސިއްރު ކުރަންޖެހޭ ކަމަށް ވިދާޅުވެ، އޭދަފުށީ ދާއިރާގެ މެންބަރު އަހުމަދު ސަލީމް ހުށަހެޅުއްވި ހުށަހެޅުމަކާ ގުޅިގެން ވޯޓަށް އަހައި ފާސްކޮނެވެ.

އަހުމަދު ސަލީމްގެ ހުށަހެޅުމަށް ތާއީދު ކުރެއްވީ ކުޑަހުވަދޫ ދާއިރާގެ މެންބަރު އަހުމަދު އާމިރެވެ. އެމްޑީޕީ އަދި ޖޭޕީން ބޭނުންވީ ބައްދަލުވުން މީޑިއާގެ ހާޒިރުގައި ހުވާލައިގެން ކުރިއަށް ގެންދާށެވެ. އެ ބޭފުޅުން ވިދާޅުވީ ގައުމީ ސަލާމަތަށްޓަކައި ސިއްރު ކުރަންޖެހޭ މައުލޫމާތެއް ނަމަ އެކަމަނާ ވިދާޅުވުމުން ކޮމެޓީ ސިއްރު ކުރެވިދާނެ ކަމަށެވެ.

ބައްދަލުވުން ސިއްރު ބައްދަލުވުމެއްގެ ގޮތުގައި ކުރިއަށް ގެންދަން ފާސްކުރީ ކޮމިޓީއަށް ހާޒިރުވި ޕީޕީއެމް މެންބަރުންގެ 11 ވޯޓުންނެވެ.

މިއަދުގެ ބައްދަލުވުމުގައި ދައުލަތުގެ އާމްދަނީ އިތުރުކުރެވިދާނެ ގޮތްތަކާ ބެހޭގޮތުން ގަވަރުނަރު އަޒީމާއާ މަޝްވަރާކޮށް ސުވާލުކުރަން ވަނީ ނިންމާފަ އެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
April
SunMonTueWedThuFriSat
303112345678910111213141516171819202122232425262728293012345678910