ރައީސް އަބްދުﷲ ޔާމިނަށް އިންޒާރުދިން ކަމަށް ބުނެ ހައްޔަރުކޮށްފައިހުރި ކުރީގެ ނައިބު ރައީސް އަހުމަދު އަދީބުގެ ބޭބެއެއް ކަމަށް ހާމިދު އިސްމާއިލް (ހާމިދު ސޭޓު) ގެ ބަންދަށް ފަސް ދުވަސް ކްރިމިނަލް ކޯޓުން އިތުރުކޮށްފި އެވެ.
ކްރިމިނަލް ކޯޓުން އިއްޔެ މިހެން އަމުރުކޮށްފައި ވަނީ ރިޔާސީ ލޯންޗު ކޮޅުގައި ބޮމެއް ގޮއްވައިލި މައްސަލަ ތަހުގީގު ކުރުމަށް ހާމިދު ސޭޓުގެ ބަންދަށް ޖެހި 15 ދުވަހުގެ މުއްދަތު ހަމަވުމުން ނެވެ. އަދި އެ މުއްދަތުގެ އަމުރު އޭނާގެ ފަރާތުން އިސްތިއުނާފު ކުރުމުން ދަށު ކޯޓްގެ އެ އަމުރަށް ހައިކޯޓުން ވެސް ތާއީދު ކޮށްފައި ވަނިކޮަށެވެ.
ހާމިދު މެލޭޝިޔާގައި ހުންނެވުމަށްފަހު ރާއްޖެ ވަަޑައިގަތުމުން ހައްޔަރު ކުރީ ރައީސުލްޖުމްހޫރިއްޔާ އަށް ނިސްބަތްކޮށް ވައިބާ މެދުވެރިކޮށް އިންޒާރުންދިން ކަމުގެ ތުހުމަތުގަ އެވެ. އަދި އޭނާ ހައްޔަރު ކުރުމުގެ ކުރިން ފުލުހުން ވަނީ ތިން ފަހަރެއްގެ މަތިން ހާމިދު އުޅުއްވާ މ. ޝުރާމަންޒިލް ބަލައިފާސްކޮށްފަ އެވެ.
ހާމިދު އިސްމާއިލް މެލޭޝިޔާއިން ހައްޔަރުކޮށްގެން ގެންދަނީ