ސަތޭކަ ފަންސާހަށް ވުރެ ގިނަ ގައުމުތަކުގެ ގާނޫނު ހަދާ މަޖިލީސް ހިމެނޭ، އިންޓާ ޕާލިމެންޓަރީ ޔޫނިއަން (އައިޕީޔޫ) ގެ ޑިމޮކްރަސީ އެންޑް ހިއުމަން ރައިޓްސް ކޮމިޓީގެ މެންބަރު ކަމަށް ރާއްޖޭގެ ރައްޔިތުންގެ މަޖިލީހުގެ ހިންނަވަރު ދާއިރާގެ މެންބަރު ޖީހާން މަހުމޫދު ހޮވިވަޑައިގެންފި އެވެ.
ޖީހާން، އައިޕީޔޫގެ އެ ކޮމިޓީއަށް އިންތިހާބުވެ ވަޑައިގެންފައި ވަނީ އޭޝިއާ ފެސިޕިކް ގްރޫޕުންނެވެ. އޭނާގެ ނަން ރާއްޖޭގެ ފަރާތުން ފޮނުވީ ރައްޔިތުންގެ މަޖިލީހުންނެވެ. މިއީ ރާއްޖޭގެ މެމްބަރަކު އައިޕީޔޫގެ ހިއުމަން ރައިޓްސް ކޮމިޓީއަށް ހޮވިވަޑައިގަތް ފުރަތަމަ ފަހަރެވެ.
ގާނޫނު ހަދާ މަޖިލިސްތައް ތަމްސީލު ކުރާ ދުނިޔޭގެ ޖަމްއިއްޔާގެ އެ ކޮމިޓީއަށް ޖީހާން އިންތިހާބު ކުރަން ވޯޓު ދިން ހުރިހާ ގައުމަކަށް ރައްޔިތުންގެ މަހިލީހުން ވަނީ ޝުކުރު އަދާކޮށްފަ އެވެ.
