ޕްރޮސެކިއުޓާ ޖެނެރަލް އޮފީހުގެ ޓީމެއް ހދ. ކުޅުދުއްފުށީ ޕޮލިސް ސްޓޭޝަންގައި މަސައްކަތް ކުރާ ފުލުހުންނާ ބައްދަލުކޮށްފިއެވެ.
ޕީޖީ އޮފީހުން އެރަށުގެ ފުލުހުންނާ ބައްދަލުކޮށްފައިވަނީ، ފުލުހުންނަށް ހުށަހެޅޭ މައްސަލަތައް ތަހުގީގު ކުރުމަށްފަހު އެ އޮފީހަށް ހުށަހަޅާއިރު އަމަލުކުރަންޖެހޭ ޕްރޮސީޖާ ކިޔައިދިނުމަށް ކަމަށް ޕޮލިސް ސާވިސް އިން ބުންޏެވެ.
ފުލުހުން ބުނީ، ޕީޖީ އޮފީހުން ކުޅުދުއްފުއްޓަށް ކުރި ދަތުރުގައި އެރަށުގައި ތިބި ފުލުހުންނަށް، ފުލުހުންނަށް ހުށަހެޅޭ އެކި މައްސަލަތައް ތަހުގީގީ މަރުހަލާ ނިންމުމަށް ފަހު ޕްރޮސެކިއުޓަރ ޖެނެރަލްގެ އޮފީހަށް ހުށަހެޅުމުގައި ވިސްނަންޖެހޭ ކަންތައްތަކާއި ފުރިހަމަކުރަންޖެހޭ މަޢުލޫމާތުތަކާއި ގުޅޭ ގޮތުން ގިނަ މައުލޫމާތުތަކެއް ދީފައިވާ ކަމަށެވެ.
އެގޮތުން ޕީޖީ އޮފީހަށް މައްސަލަތައް ހުށަހަޅާއިރު، ޝަރީއަތަށް މައްސަލަ ހުށަހެޅޭ ވަރަށް ހެއްކާ ގަރީނާ ހޯދުމުގެ މުހިއްމުކަމާ، މައްސަލަތައް ޕްރޮސެކިއިޓު ކުރުމުގައި ދިމާވާ ދަތިތަކާއި ބެހޭ ގޮތުންވެސް މައުލޫމާތު ދީ މަޝްވަރާކޮށްފައިވާ ކަމަށެވެ.
