ވިލިމާލޭގައި ކުޑަކުދިންގެ ޕާކެއް ހައިދޭނެ ބަޔަކު ހޯދަން މާލޭ ސިޓީ ކައުންސިލުން އިއުލާނު ކޮށްފި އެވެ.
ސިޓީ ކައުންސިލުން ބުނީ ހޯދަމުން ދަނީ އަމިއްލަ ތަކެތީގައި އެ މަސައްކަތް ކޮށްދޭނެ ބައެއް ކަމަށެވެ. އެ ކަމަށް ޝައުގުވެރިވާ ފަރާތްތަކުން މައުލޫމާތު ސާފު ކުރުމަށާއި އަގުހުށައެޅުމަށް މާލޭ ސިޓީ ކައުންސިލް އިދާރާގެ ޕްރޮކިއުމަންޓް ސެކްޝަނަށް އައުމަށް ވަނީ އެދިފައެވެ.
މައުލޫމާތު ސާފުކުރުން އޮތީ އޮގަސްޓް 22 ވަނަ ދުވަހުގެ ހެނދުނު 10 ޖަހާއިރު އެވެ. އަދި އަގު ހުށައެޅުން ސެޕްޓެންބަރު މަހުގެ ހަތްވަނަ ދުވަހުގެ ހެނދުނު 11 ޖަހާއިރު އޮންނާނެ އެވެ.
ސިޓީ ކައުންސިލުން ބުނީ އެ ގަޑިތަކުގައި މައުލޫމާތު ސާފުކުރަން ނާންނަ ފަރާތްތަކާއި އަގު ހުށައަޅަން ނާންނަ ފަރާތްތައް އަދި ގަޑިޖެހުމުގެ ފަހުން ބިޑް ހުށަހަޅަން ހާޒިރުވާ ފަރާތްތަކުގެ ބިޑް ބަލައި ނުގަންނާނެ ކަމަށެވެ.