މާލެ ސިޓީގެ ކާނިވާ ސަހަރައްދުގައި ގާ އެތުރުމުގެ މަސައްކަތް މާލެ ސިޓީ ކައުންސިލުން ފަށައިފި އެވެ.
މޭޔަރު ޑރ. މުހައްމަދު މުއިއްޒު ވިދާޅުވީ ކާނިވާ ސަރަހައްދުގައި ގާ އެތުރުމުގެ މަސައްކަތް ސިޓީ ކައުންސިލްގެ މުވައްޒިފުން ކުރަމުން ގެންދާ ކަމަށެވެ. އަދި އެ މަސައްކަތް ވަރަށް އަވަހަށް ނިންމާލެވޭނެ ކަމަށް ވިދާޅުވިއެވެ.
ކާނިވާ ސަހަރައްދުގައި ގާ އެތުރުމުގެ މަސައްކަތް ކުރަނީ --
ކާނިވާ ސަރަހައްދަކީ ވަރަށް ގިނަ ކެފޭ/ރެސްޓޯރަންތައް ހުންނަ ސަރަހައްދަކަށްވާއިރު ގިނަ ބަޔަކު އެ ތަންތަނުން ކޮންމެ ދުވަހަކުވެސް ހިދުމަތް ހޯދައެވެ. އަޑިގުޑަން ބޮޑު އަދި ވިއްސާރަ ދުވަސްތަކުގައި ވަރަށް ބޮޑަށް ފެންހެދި އެ ސަރަހައްދު ހަޑިކޮށް އޮންނާތީ އާންމުންގެ ޝަކުވާ ބޮޑެވެ.
އެ ސަރަހައްދު ރީތިކޮށް އަދި ފަސޭހައިން ޕާކުކުރެވޭނެ ގޮތްތަކެއް ހެދުމަކީ މޭޔަރު މުއިއްޒުގެ ވިސްނުންފުޅެކެވެ.