- ދެ މީހަކު ހައްޔަރުކޮށްފައިވޭ
- ބޯޓު ހިފެހެއްޓީ ވައްކަރު ބޭރު ކަނޑުމަތިން
- ކަސްޓަމް ވެސް އޮޕަރޭޝަންގައި ބައިވެރިވި
ރިސޯޓް ތަރައްގީ ކުރާ، ބ. ވައްކަރު ބޭރުގައި އޮތް ބޯޓަކަށް އަރައި ފުލުހުންނާއި ކަސްޓަމްސް އިން އިއްޔެ ހިންގި އޮަޕަރޭޝަންގައި ދެ ކިލޯގެ މަސްތުވާތަކެތި އަތުލައިގަނެ، ދެ މީހަކު ހައްޔަރުކޮށްފި އެވެ.
އެ ރަށަށް ހިލަ އާއި ހިލަވެލި ހިފައިގެންދިޔަ، އެމްވީ ބޮންތި އެ ރަށު ބޭރުން ހުއްޓުވައި ފުލުހުން ހިންގި އޮޕަރޭޝަންގައި ދެ ކިލޯގެ މަސްތުވާތަކެއްޗާ އެކު ހައްޔަރު ކުރީ 47 އަހަރާއި 27 އަހަރުގެ ދެ މީހަކު ކަމަށެވެ. އިތުރު ތަފްސީލެއް ފުލުހުން ދީފައެއް ނުވެ އެވެ.
އެ ބޯޓު ފުލުހުން ބަލައި ފާސްކުރީ އިއްޔެ ހެނދުނު އެވެ. އޮޕަރޭޝަން ނިންމާލީ އިރުއޮއްސެން އުޅެނިކޮށެވެ. އެ ބޯޓަކީ އެސްޓީއޯގައި ހިލަޔާއި ހިލަވެލި އުފުލާ ބޯޓެއް ކަމަށް އެނގިފައިވެ އެވެ. އެހެން ނަމަވެސް ފުލުހުން އެކަމާ ގުޅޭ ގޮތުން ކޮމެންޓެއް ނުކުރި އެވެ. އަދި ހައްުޔަރު ކުރި މީހުންނަކީ ބޯޓުގެ މުވައްޒަފުން ކަމެއް ވެސް ނުބުނެ އެވެ.
މީގެ ކުރިން އެސްޓީއޯގެ ފުއްގުދަނެއްގެ ތެރޭގައިމަސްތުވާތަކެތި ފޮރުވައިގެން އުޅެނިކޮށް އެތަނުގެ މުވައްޒަފަކު ހައްޔަރު ވެސް ކުރި އެވެ.