މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ބަނދަރުތަކުގެ ސަލާމަތާއި ރައްކާތެރިކަމާ ގުޅޭ ގޮތުން ހޭލުންތެރިކަން އިތުރުކުރުމުގެ ގޮތުން މިއަދު އިފްތިތާހު ކުރި "ޕޯޓް ސޭފްޓީ ވީކް"ގެ ދަށުން ކުރިއަށްގެންދާ ފުރަތަމަ ވޯކްޝޮޕް ފަށައިފި އެވެ.
"ސޭފްޓީ ކަލްޗާ އަވެއާނަސް ވޯކްޝޮޕް"ގެ ނަމުގައި މިއަދު ހެނދުނު ފެށި މި ވޯކްޝޮޕް އިފްތިތާހުކޮށްދެއްވީ އެމްޕީއެލްގެ ސީއީއޯ ޝާހިދު އަލީ އެވެ.
މާދަމާގެ ނިޔަލަށް ކުރިއަށް ގެންދާ މި ވޯކްޝޮޕްގައި ޖުމްލަ 43 މީހުން ބައިވެރިވެ އެވެ.
ވޯކްޝޮޕްގައި ފުރަތަމަ މައުލޫމާތު ދިނުމަށް ހަމަޖެހިފައިވަނީ ސޭފްޓީ ކަލްޗާ އާއި ބެހޭގޮތުންނެވެ. އެއަށްފަހު ދިވެހި ފުލުހުންގެ ހިދުމަތުގެ ފަރާތުން ކްރައިމް ޕްރިވެންޝަން މައުލޫއަށް އަލިއަޅުވައި މައުލޫމާތު ދޭނެ އެެވެ. ކެމިކަލް އަދި އިންޓަނޭޝަނަލް މެރިޓައިމް ޑޭންޖަރަސް ގުޑްސް (އައިއެމްޑީޖީ)އާއި ބެހޭ ގޮތުން އެމްއެންޑީއެފްއިން މައުލޫމާތު ދޭނެ އެވެ.
މި ވޯކްޝޮޕްގައި މޫސުމާ ބެހޭ ގައުމީ އިދާރާގެ ފަރާތުން މޫސުމާ ގުޅިގެން ދިމާވާ ކާރިސާތަކާ ބެހޭ މައުލޫމާތު ދޭނެ އެެވެ. އަދި ސައިބާ ސެކިއުރިޓީ އާއި ގުޅިގެން މައުލޫމާތުދީ ޓީމް ބިލްޑިން އެކްޓިވިޓީގެ އިތުރުން އެންސިސްގެ ފީލްޑް ޓްރިޕެއް ވޯކްޝޮޕްގެ ތެރެއިން ކުރިއަށް ގެންދިއުމަށް ހަމަޖެހިފައިވެ އެވެ.
ދެހާސް ނަވާރަވަނަ އަހަރުން ފެށިގެން އެމްޕީއެލް އިން ސޭފްޓީ ވީކް ފާހަގަކުރުމުގެ ބޭނުމަކީ މަސައްކަތުގެ މާހައުލުގައި އުޅޭ އިރު ސަލާމަތާއި ރައްކާތެރިކަމަށް ހުރިހާ އެންމެންވެސް ހޭލުންތެރިކޮށް އިސްކަންދޭ ސަގާފަތެއް އާލާކުރުމުވެ.