ރަޝިއާގެ ނޯޑްވިންޑް އެއާލައިންގެ ދަތުރުތައް ރާއްޖެ އަށް ފަށައިފި އެވެ.
ނޯޑްވިޑް އެއާލައިންގެ ފްލައިޓް މިއަދު ރާއްޖެ އައުމުން މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ވަނީ އެ އެއާލައިނަށް މަރުހަބާ ކިޔާފަ އެވެ.
އެމްއޭސީއެލްގެ އޮފިޝަލަކު ވިދާޅުވީ ނޯޑްވިޑް އެއާލައިންގެ ދަތުރުތައް ރާއްޖެއަށް ފެށީ ޗާޓަރު ދަތުރުތަކެއްގެ ގޮތުގައި ކަމަށެވެ.
ރަޝިއާގެ މޮސްކޯގައި ހެޑް އޮފީސް ގާއިމުކޮށްފައިވާ ނޯޑްވިޑްގެ ދަތުރުތައް ރާއްޖެއަށް ފެށުމަކީ ކާމިޔާބެއް ކަމަށް އޮފިޝަލް ވިދާޅުވި އެވެ.
ރަޝިއާ އެއާލައިނެއްގެ ދަތުރުތައް މިއަދު ރާއްޖެއަށް ފެށިއިރު ރާއްޖެއަށް އެންމެ ގިނައިން ފަތުރުވެރިން ޒިޔާރަތް ކުރާ ގައުމުތަކުގެ ލިސްޓުގައި ރަޝިއާ އޮތީ ދެވަނައިގަ އެވެ. މިއަހަރުގެ ނޮވެމްބަރުގެ ނިޔަލަށް ރަޝިއާ އިން ރާއްޖެ އަށް 204،813 ފަތުރުވެރިން ރާއްޖެ އައިސްފައިވެ އެވެ.
މިދުވަސްވަރަކީ ރާއްޖޭގެ ފަތުރުވެރިކަމުގެ ޕީކް ސީޒަނަށް ވާއިރު ވަރަށް ގިނަ އެއާލައިންތަކުން މިދުވަސްވަރު ދަނީ ރާއްޖެއަށް ދަތުރުކުރަމުންނެވެ.