ދެކުނުގެ ފުވައްމުލަކާއި އައްޑު އަތޮޅާ ދެމެދުގެ ދަތުރުފަތުރަށް ހާއްސަކޮށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ގާއިމް ކުރި ދަތުރު ފަތުރު ލިންޗް މިއަދު އިފްތިތާހުކޮށްފި އެވެ.
މިއަދު މި ހިދުމަތް ފައްޓަވައި ދެއްވީ އިކޮނޮމިކް މިނިސްޓަރު މުހައްމަދު ސައީދެވެ. ހިދުމަތް ފައްޓަވައި ދެއްވުމުގެ ގޮތުން މިނިސްޓަރު ސައީދާއި އެމްޕީއެލްގެ އިސްވެރިންނާއި ޓީމް ވަނީ ފެރީގައި ފުވައްމުލަކުން އައްޑޫ ސިޓީއަށް ދަތުރުފުޅު ކުރައްވާފަ އެވެ.
އެއްގަމު ދަތުރުފަތުރު ވެސް ހިމެނޭ ގޮތަށް ގާއިމު ކުރި މި ލިންކުގައި މިއަދު މިިނިސްޓަރު ހިދުމަތް ފައްޓަވައި ދެއްވީ ކަނޑުގެ ދަތުރުފަތުރަކުގެ ބައެވެ.
މި ހިދުމަތުގައި ފެރީ ޓާމިނަލްތަކާއެކު މުދާ އުފުލޭ ގޮތަށް ހުރިހާ އިންތިޒާމެއް ހަމަޖައްސަނީ އެމްޕީއެލް އިންނެވެ. ކަނޑުދަތުރުފަތުރުގެ މި ލިންކުގައި ފުވައްމުލަލާއި އައްޑު އަތޮޅާ ދެމެދު އަދި އަތޮޅުގެ ތެރޭގައި ހިދުމަތް ދިނުމަށް ހަތަރު ސްޕީޑް ލޯންޗާއި ދެ ފެރީއެއް ބޭނުން ކުރެ އެވެ.
އަވަސް އަށް އެނގިފައިވާ ގޮތުގައި ގާތްގަނޑަކަށް 45 މިލިޔަން ރުފިޔާގެ މި ޕްރޮޖެކްޓްގައި އެއްގަމު ދަތުރުތަކަށް 15 ބަސް ބޭނުންކޮށް އަންނަ އަހަރުގެ ފެބުރުއަރީ މަހުގެ ތެރޭގައި ހިދުމަތް ފަށާނެ އެވެ.
