ރަށްރަށުގެ މަގު ހެދުމަށާއި އެފަދަ ކަންކަމާއި މޯލްޑިވްސް ރޯޑް ޑިވެލޮޕްމެންޓް ކޯޕަރޭޝަން (އެމްއާރްޑީސީ) އިން މިވަގުތު ކުރިޔަށް ގެންދާ ޕްރޮޖެކްޓްތަކުގެ އަގު 800 މިލިއަން ރުފިޔާއަށް އަރާ ކަމުގައި އެމްއާރްޑީސީން ބުނެފި އެވެ.
އެމްއާރްޑީސީގެ 10 މުވައްޒަފަކަށް ސްކޮލާޝިޕް ހަވާލު ކުރަން އިއްޔެ ހަވީރު ބޭއްވި ސްޓެލްކޯގައި ބޭއްވި ހަފުލާއެއްގައި އެ ކުންފުނީގެ މެނޭޖިންގ ޑިރެކްޓަރު އިބްރާހިމް ނަޒީމް ވިދާޅުވީ އެމްއާރްޑީސީގެ މަސައްކަތް ވަރަށް ބޮޑަށް ފުޅާކޮށް ހަލުއި ކުރެވިފައިވާ ކަމަށެވެ.
އޭނާ އަދި ވިދާޅުވީ މިވަގުތު މަގު ހެދުމުގެ ގިނަ ޕްރޮޖެކްޓްތަކެއް އެމްއާރްޑީސީ އިން ކުރިއަށްގެންދާ އިރު ހަވާލުވެފައިވާ މަސައްކަތްތަކުގެ 90 ޕަސެންޓަކީ ހައުސިންގ މިނިސްޓްރީގެ މަސައްކަތްތައް ކަމަށެވެ. ނަޒީމް ވިދާޅުވީ ކުންފުންޏަށް އިތުބާރު ލިބިފައިވާ ކަމަށާއި މިހާރު ފަށާފައިވަ މަސައްކަތްތައް ވެސް މުއްދަތަށް ނިންމަން ކުރަންޖެހޭ ކަންކަން ކުރަމުން އަންނަ ކަމަށެވެ.
އެމްއާރްޑީސީގެ މެނޭޖިން ޑިރެކްޓަރު އިބްރާހިމް ނަޒީމު: ކުންފުންޏަށް ވަނީ އިތުބާރު ލިބިފައި -- ފޮޓޯ: އަވަސް