ޖަމާލުއްދީން ސްކޫލުގައި ސައިން ލެންގުއޭޖް ކުލަބެއް އުފައްދައި، އިފްތިތާހުކޮށްފި އެވެ.
ކުލަބް އިފްތިތާހު ކުރީ ޖަމާލުއްދީން ސްކޫލުގެ 37 ވަނަ އަހަރީ ދުވަހާ ގުޅުވައިގެން އެ ސްކޫލުގައި އިއްޔެ ބޭއްވ ހާއްސަ އެސެމްބްލީގަ އެވެ.
އަޑުނީވޭ ކުދިންނަށް ހާއްސަކޮށްގެން ރާއްޖޭގައި އެންމެ ފުރަތަމަ ކިޔަވައިދޭން ފެށީ ވެސް ޖަމާލުއްދީން ސްކޫލުގަ އެވެ.
ގައުމީ ސަލާމާއި ސްކޫލުގެ ލަވަ ސައިން ލެންގުއޭޖުން ހުށަހަޅައިދިނުމަށްވެސް އެ ސްކޫލުގެ ގިނަ ދަރިވަރުން ވަނީ ދަސްކޮށްފަ އެވެ.
ޖަމާލުއްދީން ސްކޫލުގެ އިސް ބޭފުޅަކު ވިދާޅުވީ އެ ސްކޫލުގައި ކިޔަވާ އަޑުނީވޭ ކުދިންނާ އެކު އާދައިގެ ކުދިން ވެސް ސައިން ލެންގުއޭޖުން ލަވަ ކިޔާތީ އެއީ އަޑުނީވޭ ކުދިންނަށް، އެ ކުދިން މުޖުތަމައުން ބާކީނުކުރާ ކަން އަންގައިދީ ކުރިއަށް ދިއުމަށް ދެވޭ ހިތްވަރެއް ކަމަށެވެ.
"އެއީ ޖަމާލުއްދީން ސްކޫލުގެ ދަރިވަރުންގެ މެދުގައި އަށަގަންނަމުން އަންނަ ވަރަށް އުފާވެރި ވަރަށް ރަނގަޅު އާދައެއް،" އޮފިޝަލް ވިދާޅުވި އެވެ.