ޔުނިވާސަލް ޕީރިއަޑިކް ރިވިއު (ޔޫޕީއާރް) ގެ 22 ވަނަ ސެޝަންގައި ދިވެހި ދައުލަތައް ހުށަހަޅާފައިވާ އަދި ދައުލަތުން ތަންފީޒު ކުރުމަށް ބަލައިގެންފައިވާ ހުށަހެޅުންތަކުގެ މައުލޫމާތު މީޑިއާއާ ހިއްސާކޮށްފި އެވެ.
ހިއުމަން ރައިޓްސް ކޮމިޝަން (އެޗްއާރްސީއެމް) އިން މިއަދު ބޭއްވި ސެޝަންތަކުގައި ޔޫޕީއާރްގެ 22 ވަނަ ސެޝަންގައި ދިވެހި ދައުލަތަށް ހުށަހަޅާފައިވާ ހުށަހެޅުންތައް ތަންފީޒު ކުރުމަށް ބާރުއެޅުމުގެ ގޮތުން މީޑީއާ އަށް ކުރެވޭނެ މަސައްކަތްތަކާއި ބެހޭގޮތުން ވެސް ވަނީ މަޝްވަރާކޮށްފަ އެވެ.
މިސެޝަންތައް ކުރިއަށް ގެންގޮސްފައި ވަނީ މިއަދު އެޗްއާރްސީއެމްގެ އޮފީހުގަ އެވެ.
އެޗްއާރްސީއެމް އިން ވަނީ ޔޫޕީއާރް އިން ދައުލަތައް ހުށަހަޅާފައިވާ ހުށަހެޅުންތައް ތަންފީޒު ކުރެވިފައިވާ މިންވަރު ބަލައި މުއައްސަސާތަކަށް ދިމާވާ ގޮންޖެހުންތަކާއި އެކަންކަން ހައްލުކުރުމަށް އެޅިދާނެ ފިޔަވަޅުތަކާއި ބެހޭގޮތުން މުއައްސަސާތަކުގެ މެދުގައި މަޝްވަރާކޮށް ހިޔާލު ބަދަލުކުރުމުގެ މަގުފަހު ކޮށްދިނުމާއި އަދި ޔޫޕީއާރްގެ ހުށަހެޅުންތައް ތަންފީޒު ކުރުމަށް ބާރުއެޅުމުގެ މަގުސަދުގައި ދައުލަތުގެ މުއައްސަސާތަކަށް އަމާޒުކޮށް ނޮވެމްބަރ 30 ގައި ވެސް ޔޫޕީއާރް ފޯރަމެއް ބާއްވާފައެވެ.
އެޗްއާރްސީއެމްގެ ސެޝަންގައި މީޑިއާއަށް މައުލޫމާތު ދެނީ -- ފޮޓޯ: އެޗްއާރްސީއެމް