އެމްޓީސީސީގެ ޑިރެކްޓަރުންގެ ބޯޑަށް ކުރިމަތިލުމުގެ ފުރުސަތު އެކުންފުނިން ހުޅުވާލައިފި އެވެ.
އެމްޓީސީސީގެ ޑިރެކްޓަރުންގެ ބޯޑުގައި އާންމު ހިއްސާދާރުންގެ ތެރެއިން ދެ ޑިރެކްޓަރުން އިންތިހާބު ކުރަން ޖެހެ އެވެ.
އެމްޓީސީސީ މިހާރު ވަނީ އާންމު ހިއްސާދާރުންގެ ތެރެއިން ޑިރެކްޓަރުންނަށް ވާން ބޭނުންވާ ފަރާތްތަކަށް އެފުރުސަތު ހުޅުވާލައިފަ އެވެ. މި މަގާމަށް ކުރިމަތިލެވޭނީ އުމުރުން 30 އަހަރުވެފައިވާ އަދި އެއްވެސް ކުށުގެ ރެކޯޑެއް ނެތް ކުންފުނީގެ އާންމު ހިއްސާދާރުންނަށެވެ.
މި މެމްބަރުން އިންތިހާބު ކުރަނީ އެ ކުންފުނީގެ އަހަރީ އާންމު ޖަލްސާގަ އެވެ. މި މަގާމަށް އެދި ހުށަހެޅުމުގެ ފުރުސަތު ހުޅުމާލައިފައި ވަނީ މި މަހުގެ ހަ ވަނަ ދުވަހުގެ ނިޔަލަށެވެ.
އެމްޓީސީސީގެ ބޯޑުގައި ތިބެނީ މިހާރުގެ ހިއްސާ ނިސްބަތަށް ބަލައި، މައި ހިއްސާދާރުގެ ހައިސިއްޔަތުން ސަރުކާރުގެ ފަރާތުން ފަސް ޑިރެކްޓަރުންނާއި، އާންމު ހިއްސާ ދާރުންގެ ތެރެއިން ދެ ޑިރެކްޓަރުންނެވެ.