އިންޑިއާގެ މަގުބޫލު ޑާންސް ރިއަލިޓީ ޝޯ "ޖަލަކް ދިކްލާ ޖާ" ފަސް އަހަރު ފަހުން އަނެއްކާވެސް ފެށުމަށް ތައްޔާރުވެއްޖެ އެވެ.
ކަލާސް ޗެނަލް އިން ބްރޯޑްކާސްޓް ކުރާ މި ޝޯ ކުރިއަށް އޮތް ސެޕްޓެމްބަރު ތިންވަނަ ދުވަހު ފެށުމަށް ނިންމާ ކަލާސް އިން މިހާރު ދަނީ ޝޯ ޕްރޮމޯޓް ކުރަމުންނެވެ.
މިއީ މި ޝޯގެ 10 ވަނަ ސީޒަން އެވެ. މިފަހަރުގެ ޖަޖުންނަކީ މާދުރީ ދިކްޝިޓް އާއި ކަރަން ޖޯހަރުގެ އިތުރުން ނޯރާ ފަތޭހީ އެވެ.
މި ޝޯ ހޯސްޓްކުރާނީ ގިނަ އަދަދެއްގެ ޝޯތައް ހޯސްޓްކުރާ ސަކަ މިޒާޖުގެ މަނީޝް ޕޯލް އެވެ.
ޖަލަކް ދިކްލާ ޖާގެ މި ސީޒަންގައި ގިނައީ ޓީވީ ތަރިންނެވެ.
މި ފޯރިގަދަ ޝޯ އަކީ އިނގިރޭސިވިލާތުގެ ބީބީސީ ޗެނަލްގެ "ސްޓްރިކްލީ ކަމް ޑާންސިން" އާއި އެމެރިކާގެ "ޑާންސިން ވިތް ދަ ސްޓާސް"ގެ އިންޑިއާގެ ސްޓައިލްގެ އުފެއްދުމެކެވެ.
މި ޝޯގައި ފިލްމީ އަދި ޓީވީ ތަރިންނާއި ލަވަކިޔުންތެރިންގެ އިތުރުން މަޝްހޫރު ޝަޙްސިއްޔަތުން އެމީހުންގެ ކޮރިއޯގްރާފަރުންނާ އެކު އެކި ބާވަތުގެ ނެށުންތައް ދަސްކޮށް ވާދަކުރާނެ އެވެ.