ތަފާތު ސްޓައިލަށް ފިލްމްތައް އުފައްދާ ޑައިރެކްޓަރު އަނޫރާގް ކަޝްޔަޕްގެ ތްރިލާ "ދޮބާރާ" މާދަމާ ސިނަމާތަކަށް ރިލީޒްކުރުމަށް ވަނީ ހަމަޖެހިފަ އެވެ.
މި ފިލްމްގެ ތަރިންނަކީ ތާޕްސީ ޕައްނޫއާއި ޕަވައިލް ގުލާޓީއާއި ރާހުލް ބާޓްއެވެ.
"ދޮބާރާ" އަކީ ސަސްޕެންސް ތްރިލާ އެކެވެ. މި ފިލްމްގެ އާ ޓްރެއިލާއެއް އިއްޔެ ވަނީ އާންމުކޮށްފަ އެވެ.
މި ފިލްމްގައި ދައްކުވައިދެނީ މާޒީ އާއި މިހާރު ބާ ޓީވީއެއްގެ ޒަރިއްޔާއިން އިރު އިރު ކޮޅާ ބަދަލުވާތަނެވެ. އޯޑިއަންސް ވެސް ހަގީގަތް އޮޅިގެންދާނެ ކަމަށް ފިލްމުގެ ޓްރެއިލާ އިން ދައްކައިދެ އެވެ.
މީގެ ކުރިންވެސް އަނޫރާގްގެ ފިލްމެއް ތާޕްސީ ކުޅުނެވެ. އެއީ 2018 ގައި ނިކުތް "މަންމަރްޒިޔާން" ކިޔާ ފިލްމެކެވެ.