އާނަންތު އަންބާނީ އަދި ރަދިކާ މާޗަންޓުގެ ކައިވެނީގެ ހަފްލާގައި މަޝްހޫރު ކްލޮއީ އަދި ކިމް ކާޑޭޝިއަން ފެނިގެން ދިޔައިރު ދެ މީހުން ވެސް ދިޔައީ އިންޑިއާގެ ސަގާފީ ހެދުމުން ޖަރީވެގެންނެވެ.
މި ކައިވެންޏާ ގުޅިގެން ބޭއްވި އެކި ހަފްލާތަކުގައި މުޅި ދުނިޔޭގައިވެސް ނަން މަޝްހޫރު މީހުން ބައިވެރިވިއިރު، ކްލޮއީ އަދި ކިމް ކާޑޭޝިއަންގެ އިތުރުން ޖޯން ސީނާއާއި ބޮރިސް ޖޯންސަންވެސް މި ހަފްލާގައި ބައިވެރިވި އެވެ.
މުމްބާއީގެ ޖިއޯ ވޯލްޑް ސެންޓަރުގައި ބޭއްވި އިންޑިއާ އަދި އޭޝިއާގެ އެންމެ ބޮޑު މަހުޖަނުގެ ހަގު ދަރިފުޅުގެ ކައިވެނީގެ ހަފްލާގައި މި ހަތަރު ތަރިން ވެސް ބައިވެރިވީ އިންޑިއާގެ ސަގާފީ ހެދުމުގައެވެ.
ނަމަވެސް ކިމް ލައިގެން ހުރި ރަތް ކުލައިގެ ސަގާފީ ހެދުމަށް ވަނީ ބައެއް މީހުންގެ ފާޑުކިޔުން ރައްދުވެފަ އެެވެ. އެއީ އާންމުކޮށް ރަތް ކުލައަކީ ކައިވެނި ކުރާ އަންހެން މީހާ ލާ ކުލައަކަށް ވާތީ އެވެ.
ކިމްއާއި ކްލޮއީ ވެސް ވަނީ ދެމީހުންގެ އިންސްޓަގްރާމް އެކައުންޓުތަކުގައި މި ހަފްލާގައި ނެގި ފޮޓޯތައް ހިއްސާކޮށްފަ އެެވެ.
