ލަވަ ކިޔުންތެރިޔާ އަދި އިންޑިއަން އައިޑަލްގެ ޖަޖް ނޭހާ ކައްކަރު ޓީވީ ޝޯތަކުގައި ރޯލެއް ގިނަކަމުން އިންޓަނެޓްގައި އޭނާއަށް މަލާމާތް ކުރަން ފަށައިފި އެވެ.
ބޮލީވުޑްގައި މިއަދު އެންމެ ނަން ހިނގާ ނޭހާއަށް މިއީ އާކަމެއް ނޫނެވެ.
ނޭހާ މިފަހަރު މަލާމާތްކުރަން ފެށީ މިދިޔަ އާދިއްތަ ދުވަހުގެ ރޭ ސޮނީ ޓީވީން ކުރިއަށް ގެންދާ ކުޑަކުދިންގެ ލަވަކިޔުމުގެ ޝޯ "ސުޕާ ސްޓަރ ސިންގަރ 2" ގައި ރޮވުމުންނެވެ.
ނޭހާ އިންޑިއަން އައިޑަލްގައިވެސް ވަރަށް ގިނައިން ރޮވެ އެވެ.
ނޭހާއަށް ކުރާ މަލާމާތާ ގުޅިގެން ނޭހާ ބުނީ އޭނާ އަކީ ޖަޒްބާތީ މީހެއް ކަމަށާއި ކެމެރާ ކުރިމަތީގައި އޭނާގެ އެ ސިފަ ދައްކާ ރޮވުމަކީ އޭނާ ލަނދު ގަންނަންޖަހޭ ކަމެއް ނޫން ކަމަށެވެ.
ޝޯތަކުން ފެންނަ ފެނުމުން ދޭހަވަނީ ނޭހާގެ ހިތުގައި ނިކަމެތި މީހުންނާ މެދު ހަމްދަރްދީ އުފެދޭކަމާއި މީހުންނަށް މާލީ ގޮތުން އެހީވާ ކަމެވެ.