"ދުރަންގާ" އަކީ ދެކުނު ކޮރެއާގެ ޓީވީ ސީރީޒް "ފްލާވަ އޮފް އީވަލް" އަސްލަކަށް ބަލައިގެން ހަދާފައިވާ އޭގެ ހިންދީ ވާޝަން އެވެ.
ފްލާވަ އޮފް އީވަލްގެ ލީޑް އެކްޓަރު ލީ ޖޫން-ގީ މިވަނީ އިންސްތަގްރާމު މެދުވެރިކޮށް ހިންދީ ވާޝަން ރީތި ކަމަށް ބުނެ ތައުރީފް ކޮށްފަ އެވެ.
ލީ ޖޫން-ގީގެ ޕޯސްޓްގައި "އިންޑިއާގެ ރަހްމަތްތެރިން ފެނުމުން އުފާވެއްޖެ. ބެލުމަށް އުއްމީދު ކުރަން" ލިޔެފައިވެ އެވެ.
"ފްލާވަ އޮފް އީވަލް"ގައި އަންހެން ލީޑް ރޯލް އަދާކުރީ މޫން ޗައެ-ވޮން އެވެ.
މި ސީރިޒްއަކީ ސަސްޕަންސް ތްރިލާ އެކެވެ. ހިންދީ ވާޝަންގައި ލީޑް ރޯލްތައް އަދާކުރަނީ ގުލްޝަން ދޭވަޔާ އާއި ޑްރިޝްޓީ ދާމީ އެވެ.
މި ސީރީޒް ބިނާކޮށްފައިވަނީ ދެމަފަރިންގެ މައްޗަށެވެ. ފިރިހެން މީހާ އަކީ ޒަވާޖީ، ގެވެހި ރަނގަޅު ފިރިއެކެވެ. އަނބިމީހާއެއީ ޕޮލިހެކެވެ. ނަމަވެސް ފިރިމީހާގެ މާޒީގެ ކަންތައްތަކަކީ ބޮޑު ސިއްރެކެވެ. ސީރިޒްގެ މައިގަނޑަކީ އެއީ އެވެ. މި ސީރީޒްގެ ޕިލިޕީނޯ ވާޝަންއެއްވެސް އޮވެ އެވެ.