އިންޑިއާގައި އަންހެންނުންނަށް ރަހުމުކުޑަކޮށް ކުރާ ގެވެށި އަދި ޖިންސީ އަނިޔާތަކުގެ ވާހަކަތައް ނޫސްތަކުގައި ލިޔެފައި ހުއްޓާ ފެންނަލެއް މަދެއް ނޫނެވެ.
އިންޑިއާގައި ރޭޕް ކޭސްތައް ގިނަވެ އިންސާފު ލިބުން ދަތިވެފައިވާތީ ބައެއް މީހުން އިންޑިއާ އަށް ރޭޕް ކެޕިޓަލްވެސް ކިޔަ އެވެ.
މަނީޝް މުންދްރާގެ "ސިޔާ" އަކީ މިފަދަ އަނިޔާވެރި ހާދިސާއެއް ދިމާވާ އަންހެނެއްގެ ވާހަކަ ގެނެސްދޭ ފިލްމެކެވެ.
މި ފިލްމްގެ ޓްރެއިލަ އިން ފެންނަނީ ބާރުގަދަ ފަރާތަކަށް މަސައްކަތްކުރާ މީހުންތަކެއް ކުޑަ ރަށެއްގެ ސިޔާ ގޭންގް ރޭޕްކުރުމުން، ކޮރަޕްޝަން ބޮޑު ނިޒާމަކާ ހަނގުރާމަކޮށް އަމިއްލައަށް އިންސާފް ހޯދުމަށް ކުރާ ހިތި އަދި ވޭންދެނެވި ދަތުރުގެ މަންޒަރުތަކެވެ.
މިފަދަ ވާހަކަތަކަކީ އިންޑިއާގައި އެއްގޮތަކަށް ވެސް އާ ވާހަކަތަކެއް ނޫނެވެ.
މި ފިލްމްގެ ތަރިންނަކީ ޕޫޖާ ޕާންޑޭ އާއި ވިނީތް ކުމާރް ސިންގެވެ. މި ފިލްމް ރިލީޒްކުރުމަށް ހަމަޖެހިފައިވަނީ އަންނަ މަހު ވަނަ ދުވަހު އެވެ.