އަޔާން މުކަރްޖީގެ ރަންބީރް ކަޕޫރާއި އާލިއާ ބާޓް ކުޅެފައިވާ ފިލްމް "ބްރަހްމާސްތްރާ"ގެ ލަވަތައް ދަނީ ޖޯޝާ އެކު ފޭނުންގެ ހިތްތަކާ ކުޅެލަމުންނެވެ.
މިގޮތުން އެ ފިލްމަށް އަރިޖީތް ސިންގް ކިޔާފައިވާ "ކޭސަރިޔާ" އަކީ ލޯބީގެ އަސަރު ގަދަ އަދި އަޑުއަހާލަން ފަސޭހަ ވަރަށް ހިތްގައިމު ލަވައެކެވެ.
މި ފިލްމަށް އަރިޖީތް ސިންގް ކިޔާފައިވާ "ޑާންސް ކާ ބޫތު" ލަވައަކީވެސް އަވަސް ބީޓެއް ހުންނަ ޖޯޝުން ފުރިގެންވާ ލަވައެކެވެ.
މި ލަވައިގެ ކޮރިއޯގްރަފީ ހަދާފައިވަނީ ގަނޭޝް އަޗާރިޔާ އެވެ. މިއީ ލަވަ ބަލަމުންދާއިރު ނެށުމުގެ ކިކް ބެލުންތެރިންނަށްވެސް އަންނަ ކަހަލަ ލަވަ އެކެވެ.
މި ދެ ލަވައިގެ ސިނެމެޓޮގްރާފީ ވެސް ވަނީ ވަރަށް ކުލަގަދަ އަދި ކޮންޓްރާސްޓް ބޮޑުކޮށް ނަގާފަ އެވެ.
އަންނަ މަހުގެ ނުވަވަނަ ދުވަހު ރިލީޒްކުރުމަށް ހަމަޖެހިފައިވާ ބްރަހްމާސްތްރާއަށް ގިނަ ބަޔަކު ދެނީ އިންތިޒާރު ކުރަމުންނެވެ. މި ފިލްމްގައި އަމީތާބް ބަޗަންއާއި ނަގަރްޖުނާ އަކިނޭނީ އާއި މޫނީ ރޯއިގެ އިތުރުން ޝާރުކް ހާންވެސް ފެނިގެންދާނެ އެވެ.