ހަގީގީ ހާދިސާއަކަށް ބިނާކޮށްފައިވާ ޝެފާލީ ޝާހް ލީޑް ރޯލް އަދާކުރި "ދިއްލީ ކްރައިމް"ގެ ދެވަނަ ސީޒަނަކީވެސް ފުރަތަމަ ސީޒަން ގޮތަށް ހަރުދަނާ އަދި މޮޅު ސީޒަނެކެވެ.
ފުރަތަމަ ސީޒަން، 2012 ވަނަ އަހަރު ހިނގި ދިއްލީ ގޭންގް ރޭޕަށްފަހު ދިމާވި ކަންތައްތަކަށް ބިނާކޮށްފައިވާއިރު، އެ ސީރީޒްގެ ދެވަނަ ސީޒަން ބިނާކޮށްފައިވަނީ "ޗައްޑީ ބަންޔާން ގޭންގް" އަށެވެ.
މި ގޭންގަކީ ޖަގިޔާ އަދި ބެނިޔަން ލައިގެން ގައިގާ ތެލާ ކަޅު ކުލަ އުނގުޅައިގެން ވައްކަންކޮށް، މީހުން މަރާ ގޭންގެކެވެ.
ދެވަނަ ސީޒަން ޑައިރެކްޓްކޮށްފައިވަނީ ތަނޫޖް ޗޯޕްރާ އެވެ. އަދި މި ސީޒަންގައި ލީޑް ތިން އަންހެން ކެރެކްޓަރުންގެ ހަޔާތުގެ ކަންތައްތަކަށްވެސް ސަމާލުކަން ދެއެވެ. އޮފީހާއި ޒަވާޖީ ހަޔާތާއި އާއިލާގެ ކަންތައްތައް ބަލަހައްޓާ ގޮތްތައް ދައްކަ އެވެ.
މި ސީރީޒްގެ ފުރަތަމަ ސީޒަނަށް އިންޓަނޭޝަނަލް އެމީ އެވޯޑްސްއިން "އައުޓްސްޓޭންޑިން ޑްރާމާ ސީރިޒް" ލިބިފައިވެ އެވެ.
ދެވަނަ ސީޒަނަށް ވެސް އެފަދަ ކާމިޔާބީތަކެއް ލިބޭނެ ކަމުގެ އުއްމީދު ބޮޑެވެ.
ދިއްލީ ކްރައިމްގެ ދެވަނަ ބައިގެ މަންޒަރެއް