ބަތަލާ އަތިޔާ ޝެޓީ އާއި އިންޑިއާގެ ގައުމީ ކްރިކެޓް ޓީމުގައި ހިމެނޭ ކުޅުންތެރިޔެއް ކަމަށްވާ ކޭ.އެލް ރާހޫލް ވަރަށް އަވަހަށް ކައިވެނި ކުރަން ހަމަޖެހިފައިވާ ކަމަށް އިންޑިއާގެ ބައެއް ނޫސްތަކުން ބުނެފި އެވެ.
މި ކައިވެނި އޮންނާނީ އަތިޔާގެ ބައްޕަ ސުނިލް ޝެޓީގެ ފާމްހައުސް އެއްގައި ކަމަށްވެސް ހަބަރުތައް ބުނެ އެވެ.
އާއިލާގެ މީހުންނާއި ގާތް އެކުވެރިންނަށް ދައުވަތު ދީގެން ބާއްވާ މި ކައިވެނީގެ ހަފުލާ އޮންނާނީ ޑިސެމްބަރު ފަހުކޮޅު ނުވަތަ ޖެނުއަރީ ކުރީކޮޅު ކަމަށާއި އެންމެން ވެސް އެ މި ހަފުލާއަށް ވަގުތު ހުސްކޮށްދިނުމަށް އަތިޔާ އާއި ރާހޫލް އެދިފައިވެ އެވެ.
އަތިޔާ ބޮލީވުޑަށް ތައާރަފްވީތާ މިހާރު ދެ ތިން އަހަރު ފާއިތުވީ ނަމަވެސް ތަރިންގެ ދަރިންނަށް ބޮލީވުޑްގައި ރަނގަޅު ކާމިޔާބެއް ނުލިބޭ އުސޫލުން އަތިޔާއަށް ވެސް އަދި މާބޮޑު ކާމިޔާބެއް ލިބެމަކުން ނުދެ އެވެ.
އޭނާގެ އެންމެ ފަހުގެ ފިލްމު "މޯތީޗޯރް ޗަކްނާޗޫރު" ވެސް ވީ ފްލޮޕެވެ. ވީމާ ކައިވެނި ކޮށްގެން އާއިލީ ދިރިއުޅުމެއް ފަށަން އަތިޔާ ބޭނުންވަނީ ކަމަށްވެ އެވެ.