ފިހާރައެއްގެ ތެރޭގައި މީހެއްގެ ގަޔަށް ވަޅި ހަރައި ބޮޑަށް ޒަހަމްކޮށްލައިފި އެވެ.
މިރޭގެ ވަގުތެއްގައި ފިރިހެނެއްގެ ގަޔަށް ވަޅި ހަރައި ޒަހަމްކޮށްލާފައިވަނީ އެ މީހާ މާފަންނު ފިހާރައެއްގެ ތެރޭގައި ހުއްޓަ އެވެ.
މި ފިހާރަ ތެރޭގައި ފުލުހުން މިހާރު ގެންދަނީ ހަރަކާތްތެރިވަމުންނެވެ.
ޒަހަމްވި މީހާއަށް އައިޖީއެމްއެޗްގައި ފަރުވާ ދެމުން ދިޔަ ނަމަވެސް އޭނާގެ ހާލަތެއް ނޭނގެ އެވެ.
ފުލުހުން މިމައްސަލައިގެ މައުލޫމާތު އަދި ހާމަކޮށްފައެއް ނުވެ އެވެ. އެހެންވެ މައްސަލައިގެ ތުހުމަތުގައި މީހަކު ހައްޔަރުކުރިކަންވެސް އަދި ނޭނގެ އެވެ.
ޒަހަމްވި މީހާގެ ފޮޓޯ ސޯޝަލްމީޑިއާގައި ދައުރުވަމުންދާއިރު އެމީހާ އޮތީ ލޭތަކާ އެކު ފިހާރައިގެ ތަޅުންގަނޑު މައްޗަށް ވެއްޓިފަ އެވެ. \