މާލޭގެ ގެއެއްގެ ފަސްވަނަ ފަންގިފިލާއިން ވެއްޓުނު ހަތަރު އަހަރުގެ ކުއްޖަކު މަރުވެއްޖެ އެވެ.
އެ ކުއްޖާ ވެއްޓިފައިވަނީ ހެންވޭރުގައި ހުރި ގެއެއްގެ ފަސްވަނަ ފަންގިފިލާގެ ބެލްކަނިންނެވެ.
ހާދިސާ ފުލުހުންނަށް ރިޕޯޓްކޮށްފައިވަނީ ރޭ 12:20 ހާއިރު އެވެ.
ކުއްޖާ މަރުވީ އޭޑީކޭ ހޮސްޕިޓަލުގައި ފަރުވާ ދެމުންދަނިކޮށް ރޭ 2:00 ހާއިރު އެވެ.
އިމާރާތުން އެ ކުއްޖާ ވެއްޓެން މެދުވެރިވި ސަބަބު ކަށަވަރުނުވާއިރު މައްސަލަ ތަހުގީގު ކުރަމުންދާ ކަމަށް ފުލުހުން ވަނީ ބުނެފަ އެވެ.
ހުޅުމާލޭގައި ހުރި އިމާރާތަކުން މިދިޔަ އަހަރު ހަތަރު އަހަރުގެ ކުއްޖަކު ވެއްޓީ ވަނީ މަރުވެފަ އެވެ.