ރާއްޖޭގައި ޗުއްޓީ ހޭދަކުރަމުން ދިޔަ ފަތުރުވެރިޔަކު ގެނބިގެން މަރުވެއްޖެ އެވެ.
މިއަދު މަރުވީ އިނގިރޭސިވިލާތަށް ނިސްބަތްވާ އުމުރުން 48 އަހަރުގެ މީހެކެވެ.
އޭނާ މަރުވީ އއ. އަތޮޅުގައި ބަނދަރުކޮށްގެން އޮތް ސަފާރީއަކުން މޫދަށް ފޭބި ފަހުންނެވެ.
އަވަސް އެނގިފައިވާ ގޮތުގައި އޭނާ މޫދުން ނަގައިގެން މާގިނައިރު ތަކެއް ނުވަނީސް ވަނީ ހޮސްޕިޓަލަކަށް ގެންދެވިފަ އެެވެ. ނަމަވެސް އޭރުވެސް އޭނާ މަރުވެފައިވާ ކަމަށް މައުލޫމާތު ލިބެ އެވެ.
ކުރަމަތި ރިސޯޓުގައި ޗުއްޓީ ހޭދަކުރަމުން ޖަރުމަނު ފަތުރުވެރިޔަކު ވެސް މިދިޔަ ހަފްތާގެ ތެރޭގައި ގެނބިގެން މަރުވެފައިވެ އެވެ.
ރާއްޖޭގައި ފަތުރުވެރިން ގެނބިގެން މަރުވާ މައްސަލަތައް އިތުރެވެ. މިކަމަށް ހައްލެއް ހޯދުމަށް ކަމާ ގުޅޭ އިދާރާތަކުން މަސައްކަތްތަކެއް ކުރި ނަމަވެސް ނަތީޖާއެއް ނުފެނެ އެވެ.