މާލޭގެ ގެއެއްގައި ކެމިކަލް ރައްކާކޮށްފައި ހުރި ގުދަން ހުސްކޮށްފި އެވެ.
ކެމިކަލް ރައްކާކޮށްފައި ހުރީ ލިލީ މަގުގައި ހުންނަ ގ. ގަސްކަރަގެއާ ޖެހިގެން ހުރި ތަނެއްގަ އެވެ.
މާލޭގެ ހިނގި ނުރައްކާތެރި އަލިފާނުގެ ހާދިސާތަކަކަށްފަހު މާލޭގައި ކެމިކަލް ގުދަންކޮށްގެން ގެންގުޅުމަކީ މަނާ ކަމެކެވެ.
ކެމިކަލް ރައްކާކޮށްފައި ހުރި ތަނުގެ ފޮޓޯތަކާ އެކު އެ ގުދަނުގެ މައްސަލަ އާންމު މީހަކު ސޯޝަލް މީޑިއާގައި ތިލަކުރުމާ އެކު އެ މައްސަލައިގައި ވަރަށް ގިނަ ބައެއްގެ ފާޑުކިޔުން ކަމާ ގުޅޭ އިދާރާތަކަށް އަމާޒުވި އެވެ.
ކެމިކަލް ގުދަނުގައި ހުރި ހުރިހާ ތަކެތި ހުޅުމާލެއަށް ބަދަލުކޮށްފައިވާ ކަމަށް ފުލުހުން ޔަގީންކޮށްދެ އެެވެ.
އެމްއެންޑީއެފް އިން އިއްޔެ ބުނީ މި ގުދަނުގައި ހުރި ތަކެތި ގުދަންކޮށްފައި ހުރީ ގަވާއިދާ ހިލާފަށް ކަމަށެވެ.
މާލެ ސަރަހައްދުގައި ކެމިކަލް ގުދަން ކުރަން ބޭނުންވާނަމަ ހުޅުމާލެ އަދި ތިލަފުށީގައި ސަރުކާރުން ވަނީ އެކަމަށް ބިންތަކެއް ހާއްސަކޮށްފަ އެވެ.
