އަލް ބުރޫޖު ޖަމާއަތުގެ ހަވާލުގައި އުމްރާއަށް ގޮސް ހުރި މީހަކު މަރުވެއްޖެ އެވެ.
ރޭގެ ވަގުތެއްގައި މަރުވެފައިވަނީ ގއ. ކޮލަމާފުށި، ގަސްދޮށުގެ، އުމުރުން 83 އަހަރުގެ މުހައްމަދު ޒަކީ އެވެ.
އަލް ބުރޫޖު ޖަމާއަތުން ބުނި ގޮތުގައި ޒަކީ މަރުވީ އުމްރާއެއް ކުރި ފަހުން މައްކާގެ ހޮޓަލަށް ދިޔަތާ ކުޑައިރުކޮޅެއް ފަހުންނެވެ.
ޒަކީ މަރުވިއިރު އޭނާއާ އެކު އާއިލީ ބައެއް ބޭފުޅުން ތިބީވެސް މައްކާގަ އެވެ. އެގޮތުން ޒަކީގެ އަންހެނުންނާއި ދެ ފިރިހެން ދަރިންނާއި އަންހެން ދަރިއަކާއި ދެ ދަނބިދަރިން މައްކާގައި ތިބި ކަމަށް ޖަމާއަތުން މައުލޫމާތު ދީފައިވެ އެވެ.
އަލް ބުރޫޖު ޖަމާއަތުން އިތުރަށް ބުނީ ޖިއްދާގައި ގާއިމުކޮށްފައިވާ ދިވެހި ކޮންސިއުލޭޓާ ގުޅިގެން ޖަނާޒާގެ ކަންކަން ކުރިއަށް ގެންދާ ކަމަށެވެ.
