އަނބިމީހާއަށް އަނިޔާކުރި މައްސަލައިގެ ތުހުމަތުގައި ހައްޔަރު ކުރި އިންޑިއާ މީހާ ދޫކޮށްލައިފި އެވެ.
މައްސަލައިގައި ތުހުމަތު ކުރެވޭ އިންޑިއާގެ ރައްޔިތެއް ކަމަށްވާ ހުސެއިން ސަޔެދު އަބްރާރް ހުސައިން (53އ) ކްރިމިނަލް ކޯޓުން ދޫކޮށްލީ އިއްޔެ އެވެ.
އޭނާ ބަންދުން ދޫކޮށްލިއިރު ޕާސްޕޯޓް ހިފަހައްޓަން ވަނީ އަމުރެއް ނެރެފަ އެވެ.
އޭނާ ބަންދުން ދޫކޮށްލީ މައްސަލައިގައި އަނިޔާ ލިބުނު މީހާ މައްސަލަ ދޫކޮށްލާފައިވުމާއި މައްސަލާގައި އިތުރަށް ކުރިއަށް ދާން ބޭނުންނުވުމުންނެވެ.
އަނބިމީހާއަށް އަނިޔާކުރި މައްސަލައިގެ ތުހުމަތުގައި ހައްޔަރުކުރި އިންޑިއާ މީހާގެ ބަންދަށް މީގެ ކުރިން ވަނީ ބަންދުގެ މުއްދަތުވެސް ޖަހާފަ އެވެ.
ހުސައިން ސަޔެދުގެ މައްޗަށް ގެވެށި އަނިޔާއާއި މާރާމާރީއާއި ބިރުދެއްކުމާއި އިންޒާރު ދިން ކަމަށް ތުހުމަތުކޮށްފައިވެ އެވެ.
