ކޮންޓްރެކްޓަރުންގެ އެންމެ ބޮޑު ކޮންފަރެންސް، "ގްލޯބަލް އިންފްރާސްޓްރަކްޗާ ކޮންފަރެންސް"ގައި ވާހަކަ ދެއްކެވުމުގެ ފުރުސަތު މޯލްޑިވްސް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ)ގެ ރައީސް މުހައްމަދު އަލީ ޖަނާހުއަށް ލިބިވަޑަގެންފި އެވެ.
މި ކޮންފަރެންސް އޮންނާނީ ސިންގަޕޫރުގައި ސެޕްޓެމްބަރު މަހުގެ 10 އިން 12 އަށެވެ.
ދަ އިންޓަނޭޝަނަލް ފެޑެރޭޝަން އޮފް ކޮންސަލްޓިން އިންޖިނިއާސް އިން އިންތިޒާމުކުރާ މި ކޮންފަރެންސްގައި 100އަށްވުރެ ގިނަ ގައުމުން 40،000 އަށްވުރެ ގިނަ ކުންފުނި ބައިވެރިވާނެ އެވެ.
މި ކޮންފަރެންސްގައި ބައިވެރިވާ ކުންފުނިތަކުން މިލިއަނަކަށްވުރެ ގިނަ މަސައްކަތްތެރިން ތަމްސީލުކުރާނެ އެވެ.
ޖަނާހު ވަނީ އިންޓަނޭޝަނަލް ފެޑެރޭޝަން އޮފް އޭޝިއަން އެންޑް ވެސްޓަން ޕެސެފިކް ކޮންޓްރެކްޓާސް އެސޯސިއޭޝަންގެ ރައީސްކަންވެސް ކުރައްވާފަ އެވެ.