ދަ ޑިމޮކްރެޓްސްގެ ރިޔާސީ ޕްރައިމަރީގެ ވޯޓުލުން ފަށައިފި އެވެ.
އެ ޕާޓީގެ ރިޔާސީ ޕްރައިމަރީގެ ވޯޓުލުން ކުރިއަށްދާނީ މިއަދު މެންދުރު 2:00 އިން ހަވީރު 6:00 އަށެވެ.
ޕްރައިމަރީގައި ވާދަކުރުމަށް އެ ޕާޓީން ހުޅުވާލި ފުރުސަތުގައި ކުރިމަތިލެއްވީ ރައްޔިތުންގެ މަޖިލީހުގެ ހުޅުދޫ ދާއިރާގެ މެންބަރު އިލްޔާސް ލަބީބް އެކަންޏެވެ. އެހެންކަމުން ޕްރައިމަރީގެ ވޯޓުލުން ކުރިއަށްދަނީ "ފެންނަ / ނުފެންނަ" ވޯޓެއްގެ ގޮތުގަ އެވެ.
ޑިމޮކްރެޓްސް އިން ބުނީ ޕާޓީގެ 20 މެންބަރުން ހަމަވާ ރަށްރަށުގައި ޕްރައިމަރީގެ ވޯޓު ފޮށި ބަހައްޓާނެ ކަމަށާއި އޮންލައިންކޮށްވެސް ވޯޓު ލެވޭނެ ކަމަށެވެ.