ރަޝިއާ، ޔުކްރޭން ހަނގުރާމަ ނިންމުމާ ބެހޭ މަޝްވަރާ ބައްދަލުވުންތައް ދެން އޮންނާނީ ސައުދީ އަރަބިއްޔާގައި ކަމަށް ޔޫކްރޭންގެ ރިޔާސަތުން އާދީއްތަ ދުވަހު ބުނެފި އެވެ.
ޔުކްރޭންގެ ރައީސް ލަޑިމިއާ ޒެލަންސްކީގެ ޗީފް އޮފް ސްޓާފް އޭންޑްރިލް ޔަރްމާކް ކުރެއްވި ޓްވީޓެއްގައި ވިދާޅުވީ މަޝްވަރާ ބައްދަލުވުންތައް ވަރަށް އަވަހަށް ފެށޭނެ ކަމަށެވެ.
ރަޝިއާއާ އެކު މިހާރު ކުރަމުން ގެންދާ ހަނގުރާމަ ހުއްޓާލުމަށް ޔުކްރޭން ތައްޔާރުވާނެ ގޮތަކާ މެދު މަޝްވަރާ ކުރައްވަމުން ގެންދަވާ ކަމަށްވެސް އޭނާ ވިދާޅުވި އެވެ.
މި މައުލޫގައި ބޭއްވުނު ފުރަތަމަ މަޝްވަރާ ބައްދަލުވުންތައް ބޭއްވުނީ ޑެންމާކުގެ ވެރިރަށް ކޯޕަންހޭގަންގަ އެވެ.
ސައޫދީ އަރަބިއްޔާގައި އޮންނަ މަޝްވަރާ ބައްދަލުވުމުގައި ބައިވެރިންނާ އެކު ވަރަށް ފުޅާ ދާއިރާއެއްގައި -- އަދި ހަނގުރާމައިން ޔުކްރޭނަށް ފައިދާވާނެ ގޮތްތަކާ މެދުވެސް ބަހުސްކުރެވޭނެ ކަމަށް އޭނާ ވިދާޅުވި އެވެ.
ޔުކްރޭން ހަނގުރާމަ ހުއްޓާލުމަށް މަޝްވަރާކުރެވޭ ކަމަށް ވިދާޅުވެ ޒެލެންސްކީ ވެސް ވަނީ ވާހަކަދައްކަވާފަ އެވެ. އޭނާ ވިދާޅުވި ގޮތުގައި މަޝްވަރާތަކުގައި ނުފުރޮޅާ ގަލެއް ނުބާއްވާނެ އެވެ.
ހަނގުރާމައަށްފަހު ވެސް ރަޝިއާއާ އެއްއިމެއް ހިއްސާކުރުމަކީ ރައްކާތެރި ކަމަކަށް ނުވާނެ ކަމަށް ޒެލެންސްކީ ވިދާޅުވި އެވެ. އޭނާ އަދި ވިދާޅުވީ ޔުކްރޭނަށް ރައްކާތެރިކަން ކަށަވަރުވަންދެން މަޝްވަރާތައް ކުރިއަށް ގެންދަވާނެ ކަމަށެވެ.
ޔުކްރޭން ހަނގުރާމަ ހުއްޓާލުމާ ބެހޭ ގޮތުން ތުރުކީން ވެސް ވަނީ މަޝްވަރާކުރުމަށް ގޮވާލާފަ އެވެ. ހަނގުރާމާގައި ބައިވެރިވާ ގައުމުތަކުން އެއް މޭޒު ދޮށުގައި ހިސާބުކިތާބު ނިންމުމަށް ވެސް އޮތީ ގޮވާލާފަ އެވެ.
ޔުކްރޭން ހަނގުރާމަ ދުނިޔެއަށް ބޮޑު ކަމަކަށް ވެފައިވާއިރު ޗައިނާ ވެސް ވަނީ ބާރުގަދަ 10 ނުކުތާއެއްގެ މައްޗަށް ސުލްހައިގެ ޕްލޭނެއް އެކުލަވާލާފަ އެވެ. އެކި ގައުމުތަކުން ޔުކްރޭނަށް ގޮވާލާފައިވާ ގޮވާލުންތަކުން ފައިދާ ހުރި ގޮތްތަކެއް އިޚުތިޔާރު ކުރުމަށްވެސް ގައުމުތަކުން އަންނަނީ ބާރުއަޅަމުންނެވެ.