ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ދ. އަތޮޅަށް މިއަދު ކުރައްވަން ހަމަޖެހިފައި އޮތް ކެމްޕޭން ދަތުރުފުޅު ފަސްކުރައްވައިފި އެވެ.
ރައީސްގެ ކެމްޕޭން ޓީމުން ބުނީ ދަތުރުކުރީ ފަސްކުރީ މޫސުން ގޯސްވުމުގެ ސަބަބުން ކަމަށެވެ. އެކަމަކު ރައީސް ސޯލިހް ގއ. އަދި ގދ. އަތޮޅަށް ކުރައްވަން ހަމަޖެހިފައިވާ ކެމްޕޭން ދަތުރުފުޅު ޝެޑިއުލާ އެއްގޮތަށް ކުރިއަށްދާނެ ކަމަށެވެ.
ކުރިއަށް އޮތް ރިޔާސީ އިންތިހާބުގެ ކެމްޕޭންގައި ރައީސް ސޯލިހް މިހާތަނަށް ވަނީ ހއ. ށ. ވ އަދި މ އަތޮޅުގެ ހުރިހާ ރަށަކަށާއި ފުވައްމުލަކަށް ވަޑައިގެންފަ އެވެ. މީގެއިތުރުން ހދ. ހަނިމާދޫ އަށް ވެސް ވަޑައިގެންފަ އެވެ.
ރައީސް ސޯލިހް މިއަދު ވަނީ އިންތިހާބުގައި ވާދަކުރެއްވުމަށް ކެންޑިޑެސީ ފޯމު ވެސް ހުށަހަޅުއްވާފަ އެވެ.