މާލެ ސަރަހައްދުގައި އާރްޓީއެލްގެ ބަހުގެ ހިދުމަތް 24 ގަޑިއިރު ދޭން ފަށައިފި އެވެ.
މީގެކުރިން ބަހުގެ ހިދުމަތް ދެމުން ގެންދިޔައީ ފަތިހު 5:30 އިން ރޭގަނޑު 12:15 އަށެވެ.
އެމްޓީސީސީ އިން ބަހުގެ ހިދުމަތް 24 ގަޑިއިރު ދޭން ފެށީ މިއަދު ފަތިހު 5:30 އިން ފެށިގެންނެވެ.
ބަހުގެ ހިދުމަތް 24 ގަޑިއިރަށް ބަދަލުކުރީ މާލެ އާއި ހުޅުމާލެ ގުޅައިވައިދޭ ވެސްޓް ޕާކް ރޫޓްތަކުންނެވެ.
އެ ރޫޓުގައި މިހާރު ކޮންމެ ރެއަކު މެންދަމު 1:15 އިން ފަތިހު 5:15 އަށް ގަޑިއަކު އެއް ފަހަރު ބަސް ދަތުރުކުރާނެ އެވެ.
މިބަދަލާ އެކު މާލެއާއި ހުޅުމާލެއާ ދެމެދު ދަތުރުކުރާ މީހުންނަށް ފަސޭހަތަކެއް ލިބޭނެ ކަމަށް އެމްޓީސީސީ ބުނެ އެވެ.