މާލެއިން މީހަކު ގެއްލިގެން ހޯދަން ފަށައިފި އެވެ.
ގެއްލިގެން ހޯދަނީ މއ. ލެއްގި، އަބްދުލްޣައްފާރު (35އ) އެވެ.
ފުލުހުން ބުނީ އާއިލާއަށް އަބަދުލްޣަފޫރުގެ ހަބަރެއްނުވާތީ އޭނާ ގެއްލިފައިވާ ކަމަށް ބުނެ ފުލުހުންނަށް މައްސަލަ ރިޕޯޓްކޮށްފައިވަނީ ރޭ 7:00 ހާއިރު ކަމަށެވެ.
ފުލުހުން މައުލޫމާތު ދިން ގޮތުގައި އަބްދުލްޣަފޫރު އެންމެފަހުން ފެނިފައިވަނީ މިދިޔަ އޮގަސްޓް 31 ވަނަ ދުވަހުގެ ރޭގަނޑު 11:00 ހާއިރު އެވެ. އޭރު އޭނާ ލައިގެންހުރީ އަޅިކުލައިގެ ގަމީހަކާއި ކަޅުކުލައިގެ ޖީންސެއް އާއިލާއިން މައުލޫމާތު ދީފައިވާ ކަމަށްވެސް ފުލުހުން މައުލޫމާތުދެ އެވެ.
އަބްދުލްޣައްފާރުގެ އެއްވެސް މައުލޫމާތެއް ލިބިފައިވާނަމަ ލަސްނުކޮށް އެ މައުލޫމާތު ހިއްސާކުރުމަށް ފުލުހުން ވަނީ އެދިފަ އެވެ.