މާލޭގެ ދިވެހި ބޭސް ކުލިނިކެއްގައި ހަށިވިއްކި ކަމުގެ ތުހުމަތުގައި ރޭ ހައްޔަރުކުރި މީހުންގެ ބަންދަށް މުއްދަތު ޖަހައިފި އެވެ.
ފުލުހުންގެ އެންޓި ހިއުމަން ޓްރެފިކިން ޑިޕާޓްމަންޓާއި ސްޕެޝަލިސްޓް އޮޕަރޭޝަން އަދި އިންޓެލިޖެންސް ގުޅިގެން ރޭ ހިންގި އޮޕަރޭޝަންގައި ހައްޔަރުކުރީ ތިން ދިވެހިންނެވެ.
މީގެތެރޭގައި ހިމެނެނީ 35 އަަހަރުގެ އަންހެނަކާއި 44 އަހަރުގެ އަންހެނެއްގެ އިތުރުން 41 އަހަރުގެ ފިރިހެނެކެވެ.
މި ތިން މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން 35 އަހަރުގެ އަންހެން މީހާގެ ބަންދަށް 10 ދުވަަސް، 45 އަހަރުގެ އަންހެން މީހާގެ ބަންދަށް 5 ދުވަސް އަދި 41 އަހަރުގެ ފިރިހެން މީހާގެ ބަންދަށް 10 ދުވަސް ދީފަ އެވެ.
މާލޭގައި ހަށިވިއްކުން އާންމުވެފައިވީ ނަމަވެސް އެކަން ހުއްޓުވުމަށް އެކަށީގެންވާ ފިޔަވަޅު އަޅަމުން ނުދާ ކަމަށް ބުނެ އާންމުން ގެންދަނީ ކަންބޮޑުވުން ފާޅުކުރަމުންނެވެ.