ސޯޝަލް މީޑިއާ އެކްޓިވިސްޓް އަހުމަދު އަޝްރަފް (ޝުމްބާ ގޮންގް) ހައްޔަރުކޮށްފި އެވެ.
ފުލުހުން ބުނި ގޮތުގައި ރޭ 10:05 ހާއިރު އޭނާ ހައްޔަރުކުރީ މާރާމާރީއަކާ ގުޅިގެންނެވެ.
މިމައްސަލައާއި ގުޅިގެން ބަލަންޖެހޭ ކަންކަން ބަލަމުންދާ ކަމަށްވެސް ފުލުހުން ބުންޏެވެ.
އަޝްރަފަކީ ކުރީގެ ނައިބް ރައީސް އަހްމަދު އަދީބްގެ މޯލްޑިވްސް ތާޑްވޭ ޑިމޮކްރެޓްސް (އެމްޓީޑީ)ގެ ކައުންސިލް މެންބަރެކެވެ.
އެމްޓީޑީގެ އޮފިޝަލަކު ވިދާޅުވީ މާރާމާރީ ހިންގުމަށް އަޝްރަފް އެއްވެސް ކަމެއް ނުކުރާ ކަމަށާއި އޭނާ އެތަނަށް ދިޔައީ ސޯޝަލްމީޑިއާ އެކްޓިވިސްޓެއްގެ ހައިސިއްޔަތުން އެތާ ހިނގާ ކަންކަން ރިޕޯޓްކުރަން ކަމަށެވެ.
އަޝްރަފް ބަންދުގައި ބެހެއްޓުމާ މެދު ގޮތެއް ނިންމުމަށް މިއަދު ކޯޓަށް ހާޒިރުކުރާނެ އެވެ.