ދެމަފިރިއެއްގެ ދެމެދުގައި ހަމަނުޖެހުމެއް ހިނގާ ފިރިމީހާއަށް ހަމަލާދީފި އެވެ. ފިރިމީހާއަށް ހަމަލާދިން އަނބިމީހާ އަކީ މާބަނޑު އަންހެނެކެވެ.
މިމައްސަލައާއި ގުޅިގެން ފުލުހުންގެ މީޑިއާ އޮފިޝަލް ވިދާޅުވީ މާލޭގެ ކަލާފާނު ސްކޫލު ކައިރިން އަންހެނަކު ފިރިހެނަކަށް ތޫނު އެއްޗަކުން ހަމަލާދީފައިވާ މައްސަލައެއް އިއްޔެ ފުލުހުންނަށް ރިޕޯޓްކޮށްފައިވާ ކަމަށެވެ.
"މިމައްސަލަ ފުލުހުން ދަނީ ތަހުގީގުކުރަމުން،" އިތުރު އެއްވެސް ތަފްސީލެއް ނުދެއްވާ އޮފިޝަލް ވިދާޅުވި އެވެ.
ދެމަފިރިންގެ ދެމެދުގައި ހަމަނުޖެހުމެއް ހިނގައި އަދި މަގުމަތީގައި ތޫނު އެއްޗަކުން ހަމަލާދޭން ޖެހުނު ސަބަބެއް ވަނީ ސާފުވާ ގޮތް ނުވެފަ އެެވެ.
އަވަސްއަށް އެނގިފައިވާ ގޮތުގައި އަނބިމީހާ ހަމަލާ ދިން ނަމަވެސް ފިރިމީހާއަށް ސީރިއަސް އަނިޔާއެއް ނުވެ އެވެ.
ފަރުވާ ހޯދުމަށް ހޮސްޕިޓަލަށް ދިއުމަށް ފިރިހެން މީހާ ކައިރީގައި ފުލުހުން އެދުމުން އޭނާ އެކަމަށް އިންކާރުކުރި ކަމަށްވެސް އަވަސްއަށް އެނގިފައިވެ އެވެ.