އިންޓަ ޕާލަމެންޓްރީ ޔޫނިއަން (އައިޕީޔޫ)ގެ ހިއުމަން ރައިޓްސް އެންޑް ޑިމޮކްރަސީ ކޮމިޓީގެ ރައީސަކަށް އަކަށް ރައްޔިތުންގެ މަޖިލީހުގެ ހިންވަރު ދާއިރާގެ މެންބަރު ޖީހާން މަހުމޫދު އިންތިހާބު ވެއްޖެ އެވެ.
މި ކޮމިޓީގެ މައިގަނޑު ބޭނުމަކީ ޑިމޮކްރަސީގެ ހަމަތަކާއި އުސޫލުތައް ކުރިއެރުވުމާ އެކު އިންސާނީ ހައްގުތައް ރައްކާތެރިކުރަން މަސައްކަތް ކުރުމެވެ.
ޖީހާން މިމަގާމަށް އިންތިހާބުވުމާ ގުޅިގެން 2025 ވަނަ އަހަރުގެ މާޗް މަހާ ހަމައަށް އެ މަގާމުގައި ހުންނަވާނެ އެވެ.
ރައްޔިތުންގެ މަޖިލީހުގައިވެސް ޖީހާން އަކީ ހިއުމަން ރައިޓްސް އެންޑް ޖެންޑާ ކޮމިޓީގެ މުގައްރިރެވެ.
ޖީހާން މީގެކުރިން ވަނީ ރާއްޖޭގެ ހިއުމަން ރައިޓްސް ކޮމިޝަންގެ މެންބަރުކަންވެސް ކުރައްވާފަ އެވެ.
