ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އަށް ރައީސް ޑރ. މުހައްމަދު މުއިއްޒު އައްޔަން ކުރެއްވި ފަސް މެންބަރުންނަށް ރުހުން ހޯދުމަށް ރައްޔިތުންގެ މަޖިލީހަށް ހުށަހަޅައިފި އެވެ.
ދައުލަތުގެ ވިޔަފާރި ތަންތަން ޕްރައިވަޓައިޒްކުރުމާއި ކޯޕަރަޓައިޒްކުރުމާއި އަދި މޮނިޓާކޮށް އިވެލުއޭޓްކުރުމުގެ ގާނޫނުގެ ދަށުން އުފައްދާފައިވާ ޕީސީބީގެ މެންބަރު ކަމަށް ރައީސް އައްޔަންކުރައްވާފައިވާ މެންބަރުންނަށް ރުހުން ހޯދުމުގެ މައްސަލަ ދިރާސާކޮށް ގޮތެއް ނިންމުމަށް މަޖިލީހުގެ މިއަދުގެ ޖަލްސާގައި ވަނީ ސްޓޭޓް އޯންޑް އެންޓަޕްރައިސަސް (އެސްއޯއީ) ކޮމިޓީއަށް ފޮނުވާފަ އެވެ.
ޕީސީބީއަށް އައްޔަންކުރުމަށްފަހު ރުހުން ހޯދުމަށް ފޮނުވި މެންބަރުން
- ހަމްދީ އަގީލް، ހ. ރަންގަލި 4 - ޕީސީބީގެ ރައީސަކަށް
- ހަސަން ޒަރީރު، ހުޅުމާލެ ފްލެޓް 139-ޖީ-06 - އިކޮނޮމިކްސް ދާއިރާ
- އަހުމަދު މުޝްތާގު، ދަފްތަރު ރސ 4652 - އެކައުންޓިން އަދި ފައިނޭންސިންގެ ދާއިރާ
- ލީނާ އަބްދުލް ޖަލީލް، މ. ބްލޫއޯޝަން - ބޭންކިންގެ ދާއިރާ
- މޫސާ ފަތުހީ އާދަމް، ރަންކޮކާގެ، ށ. ކޮމަންޑޫ - ބިޒްނަސް އެޑްމިނިސްޓްރޭޝަން ދާއިރާ
ޕްރައިވެޓައިޒޭޝަން ބޯޑު އެކުލެވިގެންވަނީ ބޯޑުގެ ރައީސް އާއި ނައިބު ރައީސާއެކު ރައީސުލްޖުމްހޫރިއްޔާ އައްޔަންކުރައްވާ ހަތް މެންބަރުންގެ މައްޗަށެވެ.