ރާއްޖޭގައި އަޅާ އެންމެ ރީތި އެންމެ ބޮޑު އިސްލާމީ ބިނާ މިރޭ އިފްތިތާހު ކުރާނަން: ރައީސް

ރާއްޖޭގައި މިހާތަނަށް އަޅާ އެންމެ ރީތި އެންމެ ބޮޑު އިސްލާމީ ބިނާ މިރޭ އިފްތާހުކޮށް ދެއްވާނެ ކަމަށް ރައީސުލް ޖުމްހޫރިއްޔާ އަބްދުއް ޔާމީން އިއުލާން ކުރައްވައިފި އެވެ.

ރައީސް މިހެން ވިދާޅޫވީ އއ. ތޮއްޑޫގައި މިއަދު ވާހަކަފުޅު ދައްކަވަމުންނެވެ. އެމަނިކުފާނު ވިދާޅުވީ މިރެއަކީ އުފާވެރި ރެއެއް ކަމަށާއި އެ ބިނާއަކީ ސައުދީ ސަރުކާރުގެ ހިލޭ އެހީގައި ހުޅުމާލޭގައި އަޅާ ބިނާއެއް ކަމަށެވެ.

ތޮއްޑޫގައި ރައްކާތެރި ބޯފެނުގެ ނިޒާމް އިފްތިހާހުކޮށް ދެއްވުމަށްފަހު އެރަށުގައި ދެއްވި ވާހަކަފުޅުގައި މިވަގުތު ރާއްޖޭގެ ސިޔާސީ މަސްރަހަށް އަލި އަޅުވާލައްވާ ދެއްކެވި ވާހަކަފުޅު ތެރޭގައި އެ މަނިކުފާނު ވިދާޅުވީ މި ސަރުކާރަށް ނިސްބަތްކޮށް ބައެއް ދީނީ އިލްމުވެރިން ލާދީނީ ސަރުކާރޭ ވިދާޅުވި އިރު އެބޭފުޅުން ލާދީނީ ސަރުކާރެއް ކަމަށް ސިފަ ކުރި ސަރުކާރުގެ މީހުން މިހާރު ތިބީ އެ ސަރުކާރުގައި ކަމަށާއި ކަން ދިމާ ކުރި ގޮތުން ރާއްޖޭގައި މިހާތަނަށް އަޅާ އިސްލާމީ އެންމެ ރީތި އެންމެ ބިނާ އަޅަނީ މި ސަރުކާރުން ކަމަށައި ސައުދީ ސަރުކާރުގެ ހިލޭ އެހީގައި ހުޅުމާލޭގައި އަޅާ ބިނާއެއް ކަމަށެވެ.