ފުވައްމުލައް ސިޓީގައި މިދިޔަ ހޮނިހިރު ދުވަހުގެ ރޭ ހިނގި އެކްސިޑެންޓްގައި އަނިޔާވި މީހާ މަރުވެއްޖެ އެވެ.
އެކްސިޑެންޓްގައި އަނިޔާވި އުމުރުން 30 އަހަރުގެ ދިވެހި ފިރިހެން މީހާ މަރުވީ އިތުރު ފަރުވާއަށް މާލެ ގެނެސް އައިޖީއެމްއެޗްގައި ފަރުވާ ދެމުންދަނިކޮށް މިއަދު ހެނދުނު 8:15 ހާއިރު އެވެ.
މި އެކްސިޑެންޓް ހިނގީ ފުވައްމުލަކު ބޮޑުފަންނު މަގުގައި ހޮނިހިރު ދުވަހުގެ ރޭ 10:10 ހާއިރު އެވެ.
އެކްސިޑެންޓް ހިނގީ ބާރަށް ދުއްވާފައި ދިޔަ ސައިކަލެއް ކޮންޓްރޯލް ނުވެ ގޮސް ފާރެއްގައި ޖެހިގެންނެވެ.
އަނިޔާވި މީހާއަށް އިތުރު ފަރުވާ ދިނުމަށް މާލެ ގެނެސްފައިވަނީ ގައުމީ އެއާލައިން -- މޯލްޑިވިއަންގެ ފްލައިޓެއް ޗާޓަރުކޮށްގެންނެވެ.